Accessibility links

Än Näcäf şähärendä tınlıq urnaştı


Sigez köngä suzılğan qatı suğışlardan soñ Ğíraqnıñ Än Näcäf şähärendä tınlıq urnaştı. Şigilär başlığı Moqtada Äs Sadr yaqlı qorallılar belän Ğíraq xökemäte wäkilläreneñ söyläşüe uñışsız tögällände. Şähärgä Äs Sadrğa teläktäşlek belderü öçen 10 meñläp ğíraqlı kilde. Aldan şigilär başlığı Moqtada Äs Sadr anıñ suğışçıları kolísí köçläre belän bergä genä şähärdän kitäçäk digän şart quyğan ide. Äs Sadr qulğa alınğan baş kütärüçelärne azat itü, anıñ yaqlılarğa qoral yörtergä röxsät itü häm säyäsättä qatnaşu mömkinlege birüne taläp itte. Quşma Ştatlar däwlät sekretare Qölin Pawäl Än Näcäftäğı koalísí köçläre xäräkätenä tübändägeçä bäyä birde: “Än Näcäftäge bezneñ köçlär xälne ber ber artlı cayğa salu öçen şähär tiräli bocranı qısa. Bez çara tiz arada tabılır dip ışanabız. Bu “Mähdi armísı”neñ häm anıñ şikelle başqa oyışmalarnıñ qanuní bulmağan äşçänlegen tuqtatırğa mömkinlek birä torğan çara bulırğa tieş”. dide Quşma Ştatlar däwlät sekretare. Ğíraqnıñ başqa şähärlärendä koalísí köçläre belän baş kütärüçelär arasında bäreleşlär tuqtamí. Amerikan xärbi idaräse xäbärlärençä, Samarra şähärendäge bäreleştä 50 läp baş kütärüçe hälaq bulğan. Bağdattan könyakqa taba Xilla şähärendäge atışlarda 40 qorallı şigi häm ğíraq polísísınıñ 3 xezmätkäre üterelgän.
XS
SM
MD
LG