Accessibility links

пәнҗешәмбе, 8 декабрь 2016, Казан вакыты 10:53

Venesuelada referendum ütä


Bügen Venesuela'da xalıq referendum aşa prezident Hugo Çavezneñ urnınnan kitü-kitmäwen xäl itäçäk. Aldan ütkärelgän fiker beleşü näticälärenä qarağanda – Çaveznı yaqlawçılar da, qarşı çığuçılarnıñ da sanı – yaqınça ber tigez. Opponentlar Çaveznı diktatura häm Venesuela'nıñ neften äräm-şäräm kiterüdä ğayepli. Referendumnıñ xalıqara küzätüçese, Quşma Ştatlarnıñ elekke prezidentı Jimmy Carter, kiçä, referndum tınıç qına uzaçağına ömet belderde: "Tawış birü tınıç häm oyışqan töstä üter dip ışanabız. Näticälär nindi genä bulmasın – ike tarafnıñ da wäkilläre soñınnan oçraşıp ilneñ problemaların çişü eşendä niçek xezmättäşlek itä alaçaqları turında fiker alışırğa tieş," dip belderde Jimmy Carter. Tawış birü näticäläre soñıraq xäbär iteler dip kötelä.

XS
SM
MD
LG