Accessibility links

дүшәмбе, 5 декабрь 2016, Казан вакыты 19:45

Yevropada xicab


Yevropa illärendä möselman xatın qızınıñ xicab, yaulıq möselmança kiyenep yörüe turındağı bäxäslär quyıra. Fransiädä kiläse aydan başlap mäktäplärdä dine bilgelär yöretü, şulsanda möselmança yaulıq bäyläw tıyıla. Britaniädä möselmannarnıñ yaña törkeme möselman xatın qızınıñ bu xoquqın yaqlarğa häm Yevropa Berlegendä tıyu tırışlıqlarına qarata köräş alıp barırğa qarar birüe ,Britaniä möselmannarı arasında qızu debatlarğa säbäp bulıp tora.Fx şul turıda söylägännän soñ Finländiä tatar cämğiäte imamı Ramil Bilalnıñ da fikerlären işetterer

Britaniädä küptän tügel genä oyışqan ber törkem möselman xatın qızınıñ möselmança yaulıq bäyläwen –xicabnı yaqlarğa qararlı. Xicabnı yaqlau Assambleyası iyül ayında Britaniä Möselman Xatınnarı Cämğiäte häm Britaniäneñ Möselman Assotsiatsiäse tarafınnan oyıştırıldı . Ul xicabnıñ mäktäplärdä tıyıluına qarşı köräşergä cıyına, 4nçe sintäberne, yaña mäktäp yılı başlanğan könne Yevropada xalıqara hicab solidarlıq köne dip iğlan itte.Britaniä Möselman Berläşmäse süzçese Şabana Xan (audio) Minemçä bu möselman cämğiäteneñ kiem mäsäläsendäge borçıluın çağıldırğan kebek möselmannarnıñ bu kiemgä birgän ähämiätne dä kürsätä

Xan bu törkemneñ oyışuına 2 mäsälä säbäp buldı,berençedän Fransiädä däwlät mäktäplärändä xicabnıñ tıyıluı ikençedän Yevropa keşe Xoquqları Mäxkämäseneñ Törkiädä universitetlarnıñ qararın yaqlap çığuı dip söyläde. Bilgele bulğança sekular däwlät Törkiädä Universitet häm räsmi urınnarda islamça yaulıq tıyılğan. Möselmannar üzaralarında xatın qız niçek kienergä tieş digän mäsälädä kileşep betä almıy. Londonda urnaşqan Ğäräb-İran Tikşerenüläre Üzägendä eşläwçe Ali Noorizadä Qor''ändä tıynaqlıq turında ğına äytelä. Anda xatın qız ir –at öçen mäxsus kiem turında süz yuq dip äytä.Ali Noorizadä möselman illärendä xatın qıznıñ kieme nıq üzgärä ,tıynaq , zamança kiemnän alıp ekstrem burqağa qädär bik törle di. Ul , hicabnı yaqlau berläşmäse '' kebek törkemnärneñ plannarına , fundamentlistlarnıñ ütä uñnarnıñ basımı astında torğan yevropa möselmannarı östennän kontrol urnaştıru tırışlığı dip qarıy. Noorizadä(audio)

Alar Britaniä möselmannarnıñ küpçelege äytersen lä irläre milli kiemdä saqallı ä xatın qızları xicabqa törelgän ,radikal idealarğa ışanuçılar dip kürsätergä tırışalar.Bu döres tügel . Britaniä möselmannarınıñ zur öleşe normal britan ire xatını kebek kienep yöri , alar yevropalılar kebek kienä, yevropalılar kebek uylıy häm yaña möhitkä yaraqlaşa dip belderde .

Şabana Xan da , Britaniädä küp kenä möselman xatın qızınıñ könbatış kiemen östenräk kürüen häm alarnıñ ''beräü dä xicabqa mäcbür itelmäskä tieş dip äytüen'' iqrar itä. Ämma ul şulay da xicabnı yaqlau törkeme moña keşe xoquqları mäsäläse dip qarıy ber genä xökümät tä möselmannarğa , yähüd yäki siklärgä dini bilgelärne tıymasqa tieş dip söyli.

Britaniädä bu turıda diskussiälär quyıra bara.

Min Finländiä imamı Ramil Bilalğa möräcäğät ittem(audio)

Sez Finländiä imamı Ramil Bilalnı tıñladığız. August başlarında Orenburda Rusiä möselman xatın qızları şurası oyıştırılğan. Şura möselman xatın qızlarınıñ eş urınnarında başların qaplau, yaulıq bäyläw mömkinlege öçen tırışaçaq.

feride xämit,praga
XS
SM
MD
LG