Accessibility links

шимбә, 10 декабрь 2016, Казан вакыты 13:46

Tatarstanda turizmnı üsterü programmasın tözilär


Tatarstanda turizm ölkäsen üsterü däwlät qaramağındağı ölkä bulırmı? Turizm häm sport ministrlığında, turizm ölkäsen üsterü programmasın tözi başlağannar. Ul 2005-2010 yıllarda eşlär, dip uylanıla. Älege programmağa qarağanda, Tatarstan, turistlar öçen, cännät urını bulırğa tieş. Läkin, bu maqsatqa ireşer öçen, 5 yoldızlı qunaqxanälär tözü, sıyfatlı itep xezmät kürsätergä keşelärne öyrätü, muzey- tıyulıqlarnı yaxşı däräcädäge saqlaw öçen aqça tabu kiräk. Aqçasın qaydan tabırğa, digän sorawğa xakimiätlärneñ üz cawabı bar. Ministrnıñ urınbasarı Yosıp Yaqubov, Rossiä gazetasına birgän intervyusında äytkänçä, älege programma eşläp kitsen öçen, başlanğıç öleştä bulsa da, däwlät yärdäme kiräk. Turizm ölkäsen üseş konsepsiäse moña qädär dä bulğan. Ämma ul 1998 yıldan qabul itelep, 2005 yılda ğämäldän çığa ikän. Xäzer ministrlıqta yaña programmanı tözilär. Küptän tügel, ministrlıqnıñ turizm bülege xezmätkärläre, şuşı programmanı belgeçlär belän tikşerep qaradı. Anda muzey, tıyulıqlar citäkçeläre, tur operatorlar, qunaqxanälär citäkçeläre qatnaştı.



Qazandağı qunaqxanälärneñ qıyäfäte, bäyäläre häm anda yal itüçelärgä xezmät kürsätü däräcäse dä, Törkiä häm başqa illärdäge servisqa küngän keşelärne qänäğätländermäskä mömkin.



Bolğar häm Zöyä utrawlarına turistlarnı su yulı belen kitertü öçen, ul cirlärdä yılğanı tiränäytergä kiräk. Yarlarnı, qarap kilep tuqtarlıq däräcägä kitertü sorala. Muzeylarnı häm tarixi häykällärne çista, pöxtä totar öçen dä daimi finans yärdämneñ buluı zarur. Belgeçlär, turizmnı üsterer öçen, bu ölkägä kübräk keçe biznes wäkillären cälep itärgä kiräk, i.Ämma su yulın tiränäytü kebek mäs’äläne eşmäkärlär genä xäl itä almıy. Şuña, xakimiätlär dä, çittän kilüçelärgä xezmät kürsätü bazarında eş itüçelär dä, turizm ölkäsenä etärgeç birer öçen, däwlät yärdäme kiräk, dip sanıy. Älegä programmanı tikşerü eşe bara, ul yıl axırına qädär qabul itelergä tieş.

Bikä Timerova.

XS
SM
MD
LG