14nçe august respublika kommunistları Ğäli mäcles utırışın uzdırdı. Anda yül ayında Mäskäwdä bulğan qorıltay näticäläre häm firqäneñ respublika bülekçäse räise Valentin Nikitinnıñ wazıyfasında qaldıru-qaldırmaw mäsäläse qaraldı. Respublika kommunistları , Mäskäwdäge bülenülärgä qaramıy , bötenlegen saqlap qaldı.Ul çualışlarda qatnaşqanı öçen Valentin Nikitinğa şeltä birelde häm ul urınında qaldırıldı.
