Accessibility links

Кайнар хәбәр

AQŞ salqın suğıştan soñ xärbilären küçerü buyınça in zur operatsiägä äzerlänä


AQŞları salqın suğış waqıtında könbatış Yevropa häm könçığış Aziädäge bazalarında urnaştırğan uñmännärçä ğäskäriäneñ ber öleşen öygä qaytara ber öleşen Könçığış Yevropa, Üzäk Aziä illärenä urnaştırunı planlaştıra. Düşämbedä G.Bush suğış veterannarı aldında yasağan çığışında ilneñ xärbi strategiäse turında yaña qaraşları buluın beldersä dä, detallärgä tuqtalmadı.

Prezident G.Bush Cincinnati şährendä suğış veterannarı aldında yasağan çığışında timer pärdäneñ cimerelüenä 15yıl ütkännän soñ AQŞnıñ xärbi strategiäsen ütkändäge doşmannardan Al Qaida kebek bügenge qurqınıçlarğa yünältü öçen waqıt citte dip belderde.Bush ilneñ xärbi strategiäse turındağı yaña qaraşın bolay dip añlattı (audio) Yaña plan bezgä 21nçe ğasırdağı bu suğışlarda cinep çığarğa yardäm itäçäk, tınıçlıqnı yaxşıraq saqlau öçen yaña partnärlıqlar oyıştıraçaq häm berektäşleklärne nığıtaçaqbız.Plan xärbilärebez häm xärbilärneñ ğailälärendäge basımnı kimetäçäk. Quşma Ştatları yaña plannı 2 yıl eçendä äzerläp beterde. Bush süzlärençä Yevropa häm Azidäge 70meñ xärbi, 100meñ çaması ğailä äğzaları häm sivil yardämçelär kiläse 10yıl eçendä küçereläçäk.Ul bu turıda ällä ni täfsille itep söylämäde.Ämma administratsiä räsmiläre Yevropadağı baza häm qorılışlarnıñ yartısı yabılaçaq dip belderä.Könyaq Koreadağı ğäskärilärneñ dä ber öleşe çigendereläçäk. AQŞ inde Seuldağı xärbilären çığardı .Ul şulayuq Tönyaq Korea çigendäge xärbisezläşterelgän zonada torğan xärbi köçlären könyaq Korea urtasındağı bazalarğa küçerde.Waşingtonda urnaşqan Saqlanu Mäğlümäte öçen Üzäkneñ analitiğı Marcus Corbin qaraşınça Quşma Ştatlarınıñ küçerep urnaştıru operatsiäsennän Bolgarstan, Polşa Üzbäkstan kebek Bushnıñ tışqı säyäsäten yaqlağan illär fayda küräçäk.Corbin süzlärençä(audio) Min alarnı bazalar dip atamim , çönki yaña modelğa kürä AQŞ Polşa, Bolğarstan häm Üzbäkstan kebek illärdä baza tügel ä kiräk bulğanda aşığıç xällärdä anda baru toru öçen qorılmaları bulaçaq.Min anda küp sanda xärbi torır dip uylamim. Germaniädä torğan 70meñ amerikan ğäskärie cirle iqtisad öçen bik möhim.Hönär berlege räsmie farazlarına qarağanda amerikan bazası belän bäyleneşle törle eşlärdä 15meñ alman eşli.Amerikanıñ yaña planında andıy zur iqtisadı faydalar qaralmağan. Ämma Corbin unyıllarca sovet kontrolendä torğan Üzbäkstan, Bolgarstan kebek illärneñ ekonomikası öçen keçkenä qorılışlar da faydalı bulaçaq di. Corbin (audio) Älbättä 10meñ xärbi , ğailäläre häm sivil xezmätkärlär urnaşqan daimi baza belän çağıştırğanda Üzbäkstan kebek hava mäydanı ğına qullanılğan ildä tabış az bulaçaq .Ämma bu yaña illär öçen az aqçanıñ da ähämiäte zur bulaçaq dip belderde Bu plannarnıñ ğämälgä quyuluı öçen waqıt ütäçäk.Ämma Corbin Äfgnastandağı operatsiälärne yaqlau öçen Üzbäkstanda urnaştırılğan amerikan soldatları xäzer ilgä tabış kiterä . Tik Äfganstanda suğışlar tuqtalğannan soñ Üzbäkstanda toraçaq AQŞ ğäskäriläreneñ sanı şulayuq kergän aqça tabış ta kimiäçäk dip söyli.Corbin qaraşınça AQŞ salqın suğıştan soñ xärbi reformalar ütkärüne kiçektergän , 11nçe sintäbeneñ eşne aqrınaytuı aqlana älbättä . Ämma Corbin AQŞ SSSRğa qarşı suğışu öçen eşlägän qoralların yuq itä ala dip äytä. Misal öçen F-22 höcüm oçqıçları salqın suğış waqıtında ğına kiräkle ide, ämma Pentagon äle dä f-22 oçqıçların satıp alırğa däwam itä. Bu aña yılına 4milliard dollarğa töşä

färidä xämit,praga
XS
SM
MD
LG