Accessibility links

шимбә, 10 декабрь 2016, Казан вакыты 15:52

Ğädättän tış xällärdän soñ- çirattan tış utırış.


Tatarstanda uzğan cide ayda, terkälgän yul häläkätläreneñ sanı, uzğan yılnıñ şul çorı belän çağıştırğanda un protsentqa artqan. Yul häläkätlärendä ülüçelär häm yaralanuçılar sanı da şul çama artqan. Monıñ xaqında sişämbe könne Qazanda ütkärelgän Ministrlar kabinetınıñ Yul xäräkäte iminlege komissiäseneñ çirattan tış utırışında belderelde. Çirattan tış utırış cıyuğa uzğan atnada ber- ber artlı bulğan qotoçqıç yul häläkätläre säbäp buldı. Unınçı avgustta Älmät rayonında ber yulı öç avtomobil' bäreleşte häm sigez keşe häläk buldı. Undürtençe avgust könne Apas rayonında “Folkswagen- Passat avtomobileneñ “Gazel'” mikroavtobusı belän bärelüe säbäple unöç keşe häläk buldı. Cide ayda Tatarstanda cide awır, yäğni biştän artıq qorbanlı yul häläkätlärendä qırıq altı keşe häläk bulğan häm biş keşe tän cäräxätläre alğan. Menä şundıy awır wäzğıätkä bağışlanğan utırışta Eçke eşlär ministrlığınıñ Däwlät avtoinspeksiäse idäräse başlığı Rifqat Miñnexanov häm Ğädättän tış xällär minuslığı citäkçese urınbasarı Miñzahit Cihanşin xisap tottılar. Rifqat Miñnexanov fikerençä Tatarstan yullarındağı çiktän aşqan tärtipsezlek- ul qanunnarnıñ yomşaqlığı. Ägärdä yul xäräkätenä qağılışlı qanunnar ul telägänçä qırıs bulsa yul häläkäte qorbannarı sanı ikelätä kimer ide. Xäzergä yul iminlege, avtotransport öçen cawaplı oyışmalar quldan kilgänçä çaralar küräçäk. Bu atnada “Avtobus” operatsiäse başlana. Passajirlar taşüçı şirkätlärneñ litsenziäläre, avtobuslarnıñ häm alarnı yörtüçelärneñ xäle tikşereläçäk. Ä inde Apas yulındağı qotoçqıç häläkätneñ säbäpläre älegä tikşerelä ikän. Ğazelgä kilep bärelgän “Folkswagen-Passat avtomobileneñ xucası häm rul'dä bulğan keşe turında nindider ser saqlana. Avtomobileneñ xucası ber çığanaqlarda ber törle, ikençelärendä ikençe törle taswirlana. Mäğlüm ki ul avtomobil' eçendä ber ir keşe, ber xatın-qız bulğan. Utırıştan soñ Rifqat Miñnexanov jurnalistlarğa Apas yulındağı häläkätneñ säbäpçese( mäğlüm ki avtobusqa bärelgän ciñel avtomobil' säğätenä yöz citmeş kilometr tizlek belän barğan) Folkswagen-Passat rulendä xatın-qız bulğan. Yunıs Ätnäle.

XS
SM
MD
LG