Accessibility links

якшәмбе, 11 декабрь 2016, Казан вакыты 09:12

İzrail xökemäte meñgä yaqın yaña yort tözi


İzrail xökemäte Könbatış yardağı yähüdi utraqlarında meñgä yaqın yaña yort tözü qararın tulısınça rasladı. Tözü şirkätläre bu tözeleşne başqaru öçen bäygedä qatnaşaçaq. Amerikä Quşma Ştatlar däwlät sekretare Qolin Pawäl yañaraq qına yähüdi toraqları tözü täqdimenä känägätsezlek belderde. Waşington raslawınça, yaqın könçığıştağı xälne cayğa salu “yul xaritası tınıçlıq planına” qarşılıq tudıra. Fälästin autonomiäse xaqimiätläre İzrail plannarın kisken tänqit itte. “Dönya cämägätçelege añlarğa tieş häm bezneñ xalıqqa, bezneñ yabıludağılarğa, bezneñ bäysezlek xoquqlarına häm üzebezneñ däwlätne qoruğa teläktäşlek belderü öçen nindider çaralar kürergä tieş”, dide fälästin premer ministrı Äxmät Qorıy. İzrail tözeleş ministrı Sipi Livni üz çiratında bolay dide: “Qayber keşelär buş urında drama yasarğa tırışa. Süz Fälästin cirlärennän kitü planına ber nindi qatnaşı da bulmağan bezneñ xökemät säyäsäteneñ ber öleşe turında ğına bara”.

XS
SM
MD
LG