Qatnaş komissiäneñ räistäşläre Gruziä premier-ministrı Zurab Jvania belän söyläşülär ütkärde. Gruziä xökemäte äğzası Georgiy Xaindrawa süzlärençä, yaqlar atışlarnı tuqtatu, nizağ töbägen xärbisezläşterü, yullarnı açu häm turıdan turı söyläşülärne başlaw turındağı kileşülärne rasladı. Ämma anıñ süzlärençä, kileşülär Zurab Jvania Könyäk Osetiä başlığı Äduard Qoqoyto belän şähsi oçraşqaç qına kileşülär tormışqa aşırğa mömkin. İrtägä Qoqoyto Qatnaş qomissiä räistaşları belän oçraşa. Gruzin häm Könyäk Osteiä xärbiläre ike yaqqa da qaramıy torğan xärbi törkemgä qarşı urtaq operatsiä başladı. Gruziä saqlanu ministrı Georgiy Baramıydze belderüençä, uzğan tön şundıy törkemnärneñ berse başta gruzin, annan soñ osetin yağına xöcüm itkän. Gruziäneñ ber xärbie hälaq bulğan dürtäw yaralanğan.
