Çeçnyäda Mäskäw tarafınnan yaqlanğan xaqimiät wäkile belderüenä kürä, soñğı 24 säğät äçendä ğısyançılarnıñ xöcümnärendä 3 urıs ğäskärie häm ber militsiä xezmätkäre xälaq bulğan. İsemeneñ belenüen telämägän wäkil rusiä artelleriäse könyäk Çeçnyäda İtumqäle, Nocay Yurt töbäklärendä ut açtı häm ğıysyançılar belän bäyläneşe bar dip şiklänelgän iñ kimendä 150 keşene qulğa aldı dip belderde. Bu bäreleşlär Çeçnyäda prezident saylawlarına ike atnadan da azraq waqıt qalğanda buldı.
