Accessibility links

җомга, 9 декабрь 2016, Казан вакыты 22:33

Näcäftä äs-Sadrnıñ ğisyannı tuqtatırğa rizalaşuı turında xäbärlär bar


Näcäf şähärendä suğışçan şiği din ähele Moqtada äs-Sadr yaqlı ğisyançılar belän AQŞ häm Ğiraq iminlek köçläre arasındağı qarşılıqta äs-Sadrnıñ ğisyannı tuqtatırğa äzer buluı turında xäbärlär bar. Ämma älegä bu turıda äs-Sadrnıñ üz belderüe bulmadı. Ğiraq saqlanu ministrı Nazim äş-Şaalan äs-Sadr köçlärenä yä birelü yä xälitkeç bäreleşkä duçar bulu turında qarar qabul itü öçen berniçä säğät waqıt birde. Politsiä häm tabiblar äytüençä, Ğiraqnıñ Mosul şähärendäge bazarğa minaatqıç höcüme näticäsendä kimendä 5 keşe hälak bulğan, 20-läp keşe yaralanğan. Kem höcüm itkänlege äle mäğlüm tügel. Räsmilär äytüençä, yaqın tirädä AQŞ yäki Ğiraq xärbi qorılmaları yuq. Bağdadtan könyaq könçığışta urnaşqan Kut şähärendä AQŞ köçläre belän ğisyançılar arasındağı atışlarğa elägep keçkenä aftobustağı 4 ğiraqlı hälak buldı, 4-äw yaralandı. Polşa xärbiläre äytüençä, Ğiraq üzägendä Pol'şa citäkçelegendäge xalıqara köçlärneñ baş idaräsenä berniçä märtäbä minaatqıçtan atqannar. 2 polyaq soldatı ciñelçä yaralanğan.

XS
SM
MD
LG