Accessibility links

Gruziä xärbiläre Sxinvalinıñ tönyäğında ut açtı


Üzbilgelängän Könyaq Osetiä xökümäte bügen Gruziä xärbiläre başqalanıñ tönyağında ut açtı dip belderde. Könyaq Osetiäneñ matbuğat häm mäğlümät komitetı başlığı İrina Gagloeva Azatlıq radiosına telefonda Gruzin ğäskärläre cirle waqıt belän yaqınça köndezge säğät ikedä Tamaraşeni awılınnan ut açtı, dide. “Atışlar öç säğät däwam itte. Gruzin köçläre 152 millimetrlı raqetalar qullana. Xöcümdä tulısınça ber ğäilä: 14 yäşlek bala, 90 yäşlek xatın qız, 70 yäşlek ir keşe hälaq buldı”. Gruziä belderüençä, uzğan töndäge bäreleşlärdä öç Gruzin xärbie hälaq bulğan. 7 xärbi yaralanğan. Uzğan atnadan birle bu töbäktä däwam itkän köç qullanuda hälaq bulğan Gruzin xärbiläreneñ sanı 12 gä citte. Gagloeva süzlärenä qarağanda, Könyaq Osetiä yağınnan ber xärbi üterelgän häm ike xärbi yaralanğan.
XS
SM
MD
LG