Accessibility links

якшәмбе, 4 декабрь 2016, Казан вакыты 09:06

AQŞ terrorğa qarşı suğışta xalıq diplomatiäsenä zur ähämiät birä


Prezident G.Bush administratsiäse terrorğa qarşı suğışnı ,öleşçä ğäräb-möselman dönyasına ireşü aşa da ciñergä tırışa.Bushnıñ iminlek mäsälälärendäge kiñäşçese C.Rice Waşington xärbi aksiälärdän ayırmalı bularaq töbäktä Quşma Ştatları turında uñayraq fiker taratırğa omtıla dip säyli. Ämma här kem moña uñay qarıymı ?

Prezident G.Bush al Qaida häm anıñ berektäşläre tudırğan qurqınıçnı yuq itü öçen alıp barılğan Äfganstan wä Ğıraq suğışları aqlana digän qaraşta. Läkin Bushnıñ milli iminlek mäsäläsendäge kiñäşçese C.Rice xärbi aksiälär belän genä terornı ciñep bulmıy, Prezident ğäräb häm möselman dönyasın AQŞ sezneñ doşmanığız tügel dip ışandırunıñ ähämuiäten baştan uq añladı dip söyläde atnakiçtä AQŞ kongresı tarafınnan finansiälängän AQŞnıñ Tınıçlıq İnstitutında C.Rice tağı (audio) Terrorğa qarşı suğış başlanğannan birle prezident terrorğa qarşı suğışnıñ , qoral konfliktı qädär ideologie konfliktı buluın da añladı. Ber terrrorçı sez tormışnı yaratasız ä bez ülemne dip äytkän ide . Terrorçılar köç belän ciñelgännän soñ tügel ä ülem, näfrät ideologiäseneñ urının tormış, ömed yalğannın urının çınbarlıq alğannan soñ ğına çın ciñü bulaçaq dip söyläde . Rice moña ireşü öçen Bush administratsiäse AQŞ belän islam dönyası arasında uñayraq häm konstruktiv mönäsäbätlär urnaştıru mäqsatında xalıq diplomatiäse alıp bara dide. Bu töbäklärdäge xalıqqa turıdan turı täsir itü öçen xalıqara tapşırularnıñ ähämiäte bar. Rice salqın suğış waqıtında bu tırışlıq uñışlı buldı häm min älege konfliktta da şulayuq uñışlı bulır dip uylım dide. Rice süzlärençä(audio) Min salqın suğış studentı. Salqın suğış waqıtında tuğan,çınbarlıqta böten ğömerem salqın suğış belän bäylängän. İrekle Yevropa, Azatlıq Radiosı häm Amerika Avazı açıq häm döres mäğlümätne timer pärdäneñ ikençe yağında yäşäwçelärgä cibärde. Ul salqın suğış yıllarında Amerika kollej häm universitetları da bu tırışlıqqa quşılıp , rus häm könçığış yevropa illäre tellärendä kurslar oyıştırdı dip äytep, akademiäne şunduyuq kurs kürdermälärne ğäräb telendä islam dönyası öçen äzerlärgä çaqırdı. Waşingtonda urnaşqan Yerusalem öçen Amerika Möselmannarı isemle törkemneñ kommunikatsiä direktorı Rayed Tayeh bu tırışlıqlar matur yanğırasa da ğämäldä uñışlı tügel di . Tayeh Azatlıqqa birgän ängämä waqıtında(audio) Xalıq diplomatiäse uñışlı bula ala , bu AQŞnıñ imicen yaxşırtu öçen nindi çaralar kürülüennän bağlı.Bush administrtasiäseneñ ğämällärenä qarasan alar uñışsız buldı.Ber törkem salqın suğış qaldıqları terrorğa qarşı suğış alıp barırğa tırışa. Minemçä xalıq diplomatiäse ğämäldä ,ämma alar tämam yalğış eş it dip söyläde. Tayeh fikerençä, 20nçe ğasırnıñ ikençe yartısında AQŞ- könbatış Yevropa täşkil itkän yevro-sentrik sivilizatsiä başqa ber yevro sentrik mädäniät SSSR häm könçığış Yevropa belän elemtädä tora ide. Ämma şuluq texnikanı ğäräb islam dönyasında ğämälgä quyıp bulmıy. Annan başqa di Tayeh möselmannar Quşma Ştatları närsä söyli häm närsä eşli aradağı ayırmanı kürä dip äytep bolay dip däwam itte(audio) Xalıq diplomatiäse imic mäsäläsendä problema buluına işarä itä, bez bu imicne döreslärgä häm anıñ uylanğança naçar bulmawın añlatırğa tieş dip uylıym.Bez keşelärneñ şiqäyätlären çitkä qağıp ,alarğa sezneñ närsägä borçıluığıznı añlıybız. Ämma bezdä demokratiä, ireklek bar, bezneñ talantlı atletlarıbız, seksi cırcılarıbız bar..... bezneñ İzraelne yaqlauğa borçılmagız . Bu Bush administratsiäseneñ xalıq diplomatiäse versiäse . Açıqça äytkändä bu propaganda.. Tınıçlıq İnstitutındağı çığışında C.Rice xalıq diplomatiäse ölkäsendä bez bik yaxşı oyışıp betmägän, xökümät kübräk eşlärgä tieş dip äytep kimçelekne iqrar itte

färidä xämit,praga
XS
SM
MD
LG