Accessibility links

пәнҗешәмбе, 8 декабрь 2016, Казан вакыты 17:17

Militsiä eşçänlegenä däğwalar arta


Başqortstan Eçke eşlär ministrlığına häm anıñ citäkçese Rafail Diwayıvqa qarşı höcümnär tuqtalıp tormıy. Soñğı ike köndä Başqortstan cämägätçelege iğtibar üzägenä «Rossiysqaya ğäzetä»da basılğan mäqälä çıqtı. Ul yazmada Başqortstan prokurorı wazıyfaların başqaruçı Mixäil Zelepuqinnıñ bu yılnıñ mart ayında Başqortstan militsiäse eşçänlegenä birgän tiskäre bäyäse turında iskä töşerelä. Mäğlüm buluınça, Zelepukin äfände, Başqortstan Eçke eşlär ministrlığı citäkçelären, törle qırın ğämälläre häm üz wazıyfaların tieşençä ütämäwläre öçen, çaralar kürüne sorap, Rusiä Eçke eşlär ministrlığına möräcägät itkän ide. Şulay uq bu yazmada Eçke eşlär ministrı Rafail Diwayıv citäklägän ministrlıqqa qarata Başqortstan Yuğarı mäxkämäseneñ dä däğwaları buluı äytelä. Ul däğwalarnı Yuğarı mäxkämä Diwayıv äfändegä qarata şulay uq çaralar kürü öçen, Rusiä Eçke eşlär ministrına cibärgän. Başqortstan Yuğarı mäxkämäse berniçä cinayät eşen qarağannan soñ, iregennän mäxrüm itelüçe qayber keşelärneñ Başqortstan Eçke eşlär ministrlığı citäkçeläre belän yaqın bäyläneştä buluın açıqlağan. Misal itep xökem itelüçe Fomiçev, Mäxmädov häm Nikişinnar isemnäre kiterelä. Yuğarı militsiä türäläre belän äşnälektä torğan bilgele eşquar Fomiçev, mäsälän, yalğan dollarlar belän eş itkän, dip belderelä. Ämma Eçke eşlär ministrlığı monı belep tä, Fomiçev äfändegä qarata alıp barılğan tikşerü eşlären yalğan yuldan cibärergä mataşqan, dip äytelä Başqortstan Yuğarı mäxkämäseneñ Rusiä eçke eşlär ministrına cibärgän xatında. Şulay itep, Başqortstan militsiäse citäkçeläre eşçänlegenä däğwalar atna sayın artıp tora. Mäskäw taraflarında ul däğwalarnı haman da öyränü bara. Şul uq waqıtta Başqortstan Eçke eşlär ministrlığı citäkçeläre üzlärenä bulğan däğwalar belän kileşmi, monı yala yağu dip bäyäli. Şulay itep arqan tartışu däwam itä.

XS
SM
MD
LG