Moña neft belän tämin itüdä özekleklär bulır digän qurqu tässir yasıy. Kiçä Ğiraqnıñ Könyaq neft şirkäte idaräsenä qorallı törkem bärep kerep, binanı yandırğaç, bu qurqular tağı da köçäyde. New York neft bazarında 1 miçkä neftneñ bäyäse xäzer 49 dollarğa yaqınlaştı. İqtisadçılar energiä çığanaqlarınıñ qimmät buluı dönyada iqtisadıy üseşkä zıyan kiteräçäk digän borçılu belderä. Neft eksportlawçı illär oyışması OPEC prezidentı Purnomo Yusgiantoro bäyälärneñ artuına bik nıq borçıluın belderde. Ul oyışma äğzalarınıñ sentäbrdä bulaçaq oçraşuında çişeleş tabırğa tırışaçaqbız, dide. Sonğı altı atnada neft bäyäse 30 protsentqa yaqın artqan.
