Accessibility links

җомга, 9 декабрь 2016, Казан вакыты 22:24

Putin Çeçnägä barıp qayttı


Rusiä prezidentı Vladimir Putin Groznıy şähärendä şimbä bulğan bäreleşlärgä qaramastan bügen Çeçnyäğa barıp qayttı. İrtän ul Sentoroy awılına kilep 9 may könne Groznídağı terror ğämäle waqıtında hälaq bulğan Çeçnyänıñ älekke prezidentı Äxmät Qadırovnıñ qäberenä çäçäklär saldı.

“Bezneñ sezneñ belän bergä burıçıbız häm maqsatıbız Äxmät xaci Qadırov uylağannarnıñ barsın da tormışqa aşıru. Anıñ barlıq yaxşı äşlären häm başlanğıçların Çeçen xalqı xaqına, xäzer republíkta yäşäwçelär häm anı watannarı dip sanawçılar xaqına häm Rusiä xaqına xäl itergä tieşbez”, dide Rusiä prezidentı. Putinnı Republík prezidentlığına nämzät Alu Alxanov häm witse premier Ramazan Qadırov ozatıp yörde. Alu Alxanov bügenge köndä Çeçnyä iqtisadın torğızunı kontroldä totuçı ictimağí şuranıñ räise. Çeçen Republígına bulğan qısqa ğına säfärennän soñ Putin Soçiğä kilde. Prezidentnıñ süzçese Aleksey Gromov süzlärençä, Alu Alxanov häm Ramazan Qadırovta anıñ belän bergä ide. Putin Alxanov häm Qadırov täqdimen: kiläçäktä Çeçnyä neften äksportlawnıñ keremen Çeçnyäda iqtisad häm sosíal moxitnı torğızuğa totunı xupladı. Şulay uq toraqların yuğaltqan republík keşelärenä kompensasí tüläw mäsäläläre dä qaraldı.Groznída kiçä möcähitlär belän bäreleşlär waqıtında Çeçnyä äçke äşlär ministerlığınıñ 6 xezmätkäre hälaq buldı. Rusiä xärbiläre arasında da xälaq buluçılar bar, ämma älegä küpme ikänlege xäbär itelmi. Ut astına älägep berniçä tınıç xalıq yaralandı. Rusiäneñ Çeçnyädağı xärbi idaräse başlığı İlyä Şabalkin süzlärençä, möcäxitlär yağınnan da yuğaltular bulğan. “İnterfaqs” xäbär itkänçä, şimbä kiç belän Çeçnyä başqalasındağı 2 saylaw uçastoğına, milisí bülekçäsenä, äçke äşlär bülege häm xärbi prokuratur binalarına, şulay uq tikşerep ütkärü qapqasına atqannar. Qayber çığanaqlar Groznídağı xöcümnärne qır qomandirı Yunadí Turçayıv törkemnäre oyıştırğan dip belderä.

Nail Alan, Praga.
XS
SM
MD
LG