Köz citärgä atna yarım waqıt qalğanda Tatarstanğa yañadan cäy kilde. Äle genä totaş yañğır yuğanda balçıq yırıp yöregän awıl eşçännäre moña söyende. Üskän uñışnı yuğaltusız cıyıp alu ömetläre köçäyde. Ä şähärdä toruçılar, utız gradustan artıq qaynar könnär kilgäç, yañadan baqçağa, su buylarına aşıqtı. Qazan üzägendäge tözeleş eşläre transport xäräkäten qatlawlandırsa da, qızğan maşinalar esse beton, asfal't hawanı tağı da qızdırdı.
Ministrlar kabinetında şaqtıy qızu utırış buldı. Qayber mäğlumat çaraları iğlan itkänçä, anda urtakul citäkçeläreneñ däwlät maşinasında yörülären qısqartu, çit il maşinaların çinovniklarğa satıp alunı tuqtatunı qarala dip aldan uq xäbär itkännär ide. Bu tapşıru Pragağa cibärelgän waqıtta älege temağa açıqlıq kertep beterelmäde. Maşinalar, alarğa kitkän çığımnarnı sanaw bulğanmı, söyläşü niçek uzğanın ministrlar kabinetı raslamadı.
Düşämbe könne uzğan utırışta Tatarstan investitsiälär kertügä niqädär sälätle buluın tikşergännär, doklad belän iqtisat ministrı Aleksey Poxomov çıqqan, äzerlängän qarar proyektın tikşergännän soñ xökümät anı tağın da ber tapqır öyränergä kamilläşterergä bulğan. Ştat qısqartu bik çeterekle bulsa, şul ştat buyınça yörüçe maşinalarnı qısqartu tağın da çeterekleräk.
Qazanğa Bötendönya Törki Xatın-qızlar Assotsiatsiäse räise, Ğazi universitetı professorı Şenol xanım Bal kilde. Yal könnärendä qunaqnı Qazannıñ muzeyları, istälekle urınnarı belän tanıştırdılar. Törki Xatın-qızlar Assotsiatsiäse citäkçese Şenol xanım yazuçı, Bötendönya tatar Kongressı äğzäse Fäwziä Bäyrämova, Kongressnıñ xoquq belgeçe Roza Färdieva ozatıp yörilär. Qunaqnı qarşılaw, yöretü mäşäqätlären xökümät wäkilläre häm BTK üz östenä alğan. BTK räise Rinat Zakirov Şenol Bal belän oçraştı. Düşämbe töştän soñ Şenol xanımnı Tatarstannıñ Ministrlar Kabinetında qabul ittelär.
Rimzil' Wäli, Qazan.
Ministrlar kabinetında şaqtıy qızu utırış buldı. Qayber mäğlumat çaraları iğlan itkänçä, anda urtakul citäkçeläreneñ däwlät maşinasında yörülären qısqartu, çit il maşinaların çinovniklarğa satıp alunı tuqtatunı qarala dip aldan uq xäbär itkännär ide. Bu tapşıru Pragağa cibärelgän waqıtta älege temağa açıqlıq kertep beterelmäde. Maşinalar, alarğa kitkän çığımnarnı sanaw bulğanmı, söyläşü niçek uzğanın ministrlar kabinetı raslamadı.
Düşämbe könne uzğan utırışta Tatarstan investitsiälär kertügä niqädär sälätle buluın tikşergännär, doklad belän iqtisat ministrı Aleksey Poxomov çıqqan, äzerlängän qarar proyektın tikşergännän soñ xökümät anı tağın da ber tapqır öyränergä kamilläşterergä bulğan. Ştat qısqartu bik çeterekle bulsa, şul ştat buyınça yörüçe maşinalarnı qısqartu tağın da çeterekleräk.
Qazanğa Bötendönya Törki Xatın-qızlar Assotsiatsiäse räise, Ğazi universitetı professorı Şenol xanım Bal kilde. Yal könnärendä qunaqnı Qazannıñ muzeyları, istälekle urınnarı belän tanıştırdılar. Törki Xatın-qızlar Assotsiatsiäse citäkçese Şenol xanım yazuçı, Bötendönya tatar Kongressı äğzäse Fäwziä Bäyrämova, Kongressnıñ xoquq belgeçe Roza Färdieva ozatıp yörilär. Qunaqnı qarşılaw, yöretü mäşäqätlären xökümät wäkilläre häm BTK üz östenä alğan. BTK räise Rinat Zakirov Şenol Bal belän oçraştı. Düşämbe töştän soñ Şenol xanımnı Tatarstannıñ Ministrlar Kabinetında qabul ittelär.
Rimzil' Wäli, Qazan.
