Accessibility links

якшәмбе, 4 декабрь 2016, Казан вакыты 19:21

Ğıraq tışqı eşlär ministırı Azatlıq radiosına ängämä birde


Waqıtlı Ğıraq xökümäteneñ tışqı eşlär ministırı Xoşyar Zebari radiobız xabärçesenä birgän ängämä waqıtnda Nacafta qorallı bäreleşlärneñ däwam itüe xökümätneñ abruyına zian kiterä, kabinet qatğıy çaralar kürergä tieş dip söyläde. Ul şulayuq qayber ministırlarnıñ İrannı töp doşman dip iğlan itüe zur xata ide dip söyläde.

Waqıtlı Ğıraq xökümäteneñ tışqı eşlär ministırı Xoşyar Zebari yäkşämbe könne radiobızğa birgän mäxsus ängämäsendä Nacafta amerikan häm Ğıraq xärbiläreneñ bergäläp şığı citäkçese Muqtada al-Sadr köçlärenä qarşı alıp barğan qorallı bäreleşlär xökümätneñ ışanıçlılığına zian kiterä dide(audio) Monda süz xökümätneñ abruyı turında bara. Min xökümät bu krizisnı tuqtatu öçen bik nıq, qatğıy çaralar kürergä tieş dip uylıym. Krizis qanun tärtipne yanıy dip äytte. Zebari xökümättä konflikt belän niçek eş itergä kiräklege turında ciddi söyläşülär baruına işarä itep(audio) Xökümät, kabinet berdäm , Xalıq xökümätneñ nıq qararlar qabul itüen bu qurqınıçqa qarşı anıq-açıq säyäsät alıp baruın kürergä teli ,debatlar şul turıda, bez bu konfrontatasiädä ciñep çıqmasaq, ilneñ başqa poçmaqlarındağı qaynar urınnnarda ut qabına ala dip söyläde Sonğı 2 ayda saqlanu häm eçke eşlär ministırlarınıñ İrannıñ Ğıraq eçke eşlärenä qatnaşuın raslağan dälillär bar dip söyläwlärenä qarata Zebari, min Tehrannıñ Nacaftağı krizisqa qatnaşı buluın raslağan ber nindi dä dälil kürmädem, älegäçä bez imiş mimişlär genä işetäbez. Min tışqı eşlär ministırı bularaq eşne faktlarğa nigezläp İran yäki başqa ilgä , sezneñ bu eşläregez qabul itelerlek tügel , bez çıdamlıq kürsätmiäçäkbez dip belderer idem . Ämma bu ministırlarnıñ belderüläre minem eşne qıyınlaştırdı , näticädä kabinet Ğıraqnıñ kürşeläre belän mönäsäbätlärenä täsir itäçäk eşlär turında min genä söylärgä tieş digän qarar çığardı dide. Zebari süzlärençä(audio Problema şunda, xökümät yaña, kollegalar äle küptän tügel genä eş başına kilde . Ägär dä ber ilne''töp doşman''dip tasvirlıysin ikän , barlıq küprelärne yandırasın, ul çaqta mönäsäbätlär buldıru , alarnı täräqi itterü yäki alarnıñ säyäsätenä täsir itergä tırışu kiräksez bulıp qala. Zebari sonğı atnalarda İranğa quyılğan qayber kisken ğäyepläwlärne yomşartırğa tırışsa da ul başqa kürşelär ayrım alğan Farsı Qultığı häm ğäräb illären tönqitläwdän totılıp qalmıy, alar yaña xökümätneñ iminlek urnaştıruına yardäm itmäde dip belderde. Waqıtlı xökümätneñ ministırı töbäktäge bu xökümätlär Ğıraqta torğan AQŞ tänqitläp üzläreneñ popularlığın arttırırğa tırışa bu xatalı säyäsät häm ozın mäddättä yaqın könçığışta kübräk problemalar xasıyl itäçäk dip belderde Nacaftağı xällär turında sez äle genä Ğali Gilmineñ yazmasın tıñladığız .Yäkşämbedä radikal şığı citäkçese Muqtada al-Sadr süzçese şeyx Salah Jasem al Obaidi radiobız xabärçese belän ängämä waqıtnda al-Sadrnıñ äle dä Nacafta buluın,yözlärçä Mäxdi suğışçısınıñ İmam Ali törbäse baqçasında yäşrenüen,çönki anda bombalauı qıyın yäşrenü urınnarı buluın beldergän. al Obaidi , al Sadr ofisı izge ğıybadätxanäneñ açqıçın äle Londonda däwalanğan ölkän ayatolla Ali Sistanigä tapşırırğa teli dide.Ämma al-Obaidi (audio) Bez Ali Sistan Muqtada al-Sadr belän Amerikinnar arasında aradaşşı bulırğa telämi dip eytä almıybız. Sistani şığılarnıñ- in yuğarı ruxanisı bularaq üzenä tap tiderergä telämi. Ul amerikan xärbilärenä , yäki problemalarnı xäl qılırğa telägän wäkilçeleklärgä ällä ni ışanıp betmi dip söyläde.

färidä xämit,praga
XS
SM
MD
LG