Accessibility links

якшәмбе, 11 декабрь 2016, Казан вакыты 05:07

Afinada Ğıraq futbolçıları ilne ruxlandıra, Bushnı kire qağa


Säyäsät, suğış, terrornı.... futbol belän çağıştırıp bulamı? Ğıraq milli futbol komandasınıñ Afina Olimpia uyınnarında kötelmägän zur uñışı , din millät ayırmalıqları , intihar terrorçılar, keşe urlau häm qanlı başkütärülär belän xäräbägä äylängän ildä zur şatlıqqa säbäp bulıp torsa da, ğıraqlılar AQŞ prezidentı G.Bushnıñ futbol komandasınıñ uñışın saylaw kampaniäse öçen qullanuına açu belderä.

Şimbä könne Ğıraq komandası Awstralianı ber null ciñep yarım finalgä ütkännän soñ, millionnarça ğıraqlı ildäge xällärne onıtıp bäyräm itte,.(audio) Sişämbe kiç Ğıraq komandasınıñ Paraguay belän oçraşuı medal köräşendä ähämiätkä iä bulsa da tağı da möhimräge bu okupatsiä astındağı ildä xalıqnıñ ruxın kütärä. Ğıraq futbol komandası şığı, sönni häm kördlärdän tora, alar Nacaf, Falluca häm Kirkuk kebek şähärlärdän.Komanda Ğıraqnıñ törle etnik häm dini törkemnären çağıldırsa da, ul ilneñ potensial berdämlegenä dä ürnäk bulıp tora. Yäkşämbe könne Bagdadta ber taksi şöfere(audio) Närsä äytüemne telisez, bu ciñü barlıq ğıraqlılarnıñ dip äytte. Ğıraq 1960-nçe yılda Rimdä genä ştanga kütärüdä bronza medal alğan .Saddam Xösäin rejimı waqıtında uñışlı bulmağan sportçılar ezärleklände. Bigräk tä Ğıraq Olimpia komitetı citäkçese bulıp torğan Saddamnıñ ulı Uday atletlarnı cäberli torğan bulğan. Uday ütkän yılda AQŞ xärbiläre tarafınna üterelde. Futbol komandasınıñ citäkçese Adnan Hamdjurnalistlarğa (audio) Hämmegez İldäge problemalarnı beläsez, bez quldan kilgänçä in yaxşını eşlärgä tırışabız, bu uñışqa alıp bara. Bez xalqıbıznıñ problemaların onıtıp toruların , şatlanuların telibez dip söyläde. AQŞ prezidentı G.Bush Ğıraq suğışın uñay kürsätergä tırışa, ul Ğıraqnıñ Olimpia uyınnnarına qatnaşuın üzeneñ saylaw aldı kampaniäsendä qullana.Televidiniedä kürsätelgän säyäsi reklama Bush ğämälläre Äfganstan,Ğıraqnı irekländerde häm alarğa Olimpia uyınnarına qatnaşu mömkinlege birde dip däğwä itä. (audio) İreklek qoyaş nurları kebek dönyağa sibelä.Bu olimpia uyınnarında tağı irekle 2il qatnaşaçaq 2terror rejimı kimräk bulaçaq.Köç qatğılıq häm qıyulıq belän demokratiä terrornı häm ömed näfrätne ciñäçäk Bushqa bu reklama ğına citmäde , ul Olimpia uyınnarı başlanğannan birle 3märtäbä şulsanda radio çığışında Ğıraq futbolçılarınıñ uñışın suğışnı aqlau öçen qullandı.(audio) Distälärçä yıldan soñ berençe märtäbä dönya Ğıraq olimpiaçılarınıñ diktator ulı tarafınnan bäğersezçä cazalanmawın belä.29ğıraqlı atlet şulsanda berençe uyında ciñep dönyanı dulqınlandırğan Ğıraq futbol komandası Afinada yarışa dip belderde G.Bush üzeneñ radio çığışında . Ämma Bushnıñ bu retorikası Ğıraq futbol komandası tarafınnan kire qağıla. Ütkän atnada Ğıraq futbolçısı Salix Sadir Bushtan bezneñ uñışñı üz kampaniägez öçen qullanmağız dip sorağan. Falluca şährennän sönni uyınçı Axmäd Manajid amerikan sport jurnalına birgän ängämädä şundıy küp xatın qız häm ir atnı ütertkän Bush Alla qarşına niçek çığar mikän dip sorağan. Manajid yaqınınıñ Fallucada amerikan köçläre tarafınnan üterelüen häm futbol uynamasa üzeneñ dä qarşılıq kürsätep suğışaçağın beldergän. Awstralianı cingän tupnı kertkän İmad Möxämmäd barlıq çit il köçlären Ğıraqtan çığıp kitergä çaqırğan. Aqyort bu tänqitlärgä cawap qaytarmadı. Bush düşämbedä jurnalistlarğa Ğıraq futboll komandasın qızıqsınu belän qarim digän ide. Komandanı citäklägän Hamd Bushnıñ ireklek turında söyläwe mäğnäsez di(audio) İreklekne wäkilçelek itkän komanda turında söyläp bulmıy . Ğıraqta ireklek yuq , bezneñ il okupatsiä astında dip äytte. Sişämbe kiç 25million ğıraqlınıñ kübese televidiniä aldında 90minut öçen problemaların onıtıp futbol qarıyaçaq färidä xämit,praga
XS
SM
MD
LG