Accessibility links

якшәмбе, 11 декабрь 2016, Казан вакыты 09:12

Näcafta Moqtada Äs Sadr söyläşülärgä äzer


Ğiraqnıñ Näcaf şähärendä baş kütärüçelär sıyınğan İmam Ali törbäsen amerikan xärbiläre çolğap alğan ide. Bügen irtännän bu urınğa Ğiraq köçläre kilde. Ğiraqnıñ saqlanu ministrı Xäzim Äş Şälan bolay dip belderde: "Törbä tiräsenä Ğıraqnıñ zur köçläre tuplana. Bez baş kütärüçelär häm alar belän bulğannar üz ğömerlären saqlap qalu öçen birelmäsä, xöcümgä xäbär kötäbez". Näcaftağı xäbärçebez bolay dip xäbär itte: "Başqa qorrespondentlar häm şähärdä yäşäwçelär söyläwençä Mähdi armiäse törbäneñ eçke öleşen üz qulında tota. Bu tışqı diwardan 400, 500 metrlar tiräse. Törbäneñ tışqı yağı häm Näcaftağı uramnar Ğiraq häm amerikan ğäskärläre qulında". Yaña ğına kilgän xäbärlärgä kürä, Moqtada Äs Sadrnıñ yärdämçese anıñ söyläşülärgä äzer ikänlegen beldergän. Bağdatta Ğiraqnıñ moxitnı saqlaw ministrına xöcüm buldı. Anıñ maşinaları barğan yulda intixar terrorçı bombı quyılğan maşina şartlattı. Anıñ 4 saqçısı hälaq buldı. Unnan artıq keşe yaralandı. Ministrnıñ üzenä zıyan kilmäde. Ğiraq başqalasınıñ könbatışında mäğärif ministrı utırğan maşina aldında bombı şartladı. Ülüçelär bar. Bu oçraqta da ministr isän qaldı.

XS
SM
MD
LG