Accessibility links

Кайнар хәбәр

Şığı ruxanisı Nacafta tınıçlıq urnaştırırğa tırışa


Ğıraqnıñ ölkän şığı ruxanisı ayatolla Ali al Sistani Nacaf şährenä kilep citte. 3 atnadan birle izge şähärdä barğan suğışlarnı tuqtatu, tınıçlıq urnaştıru mäqsatında Sistani barlıq köçlärne Nacaftan çığıp kitergä häm şığılarnı şähärne qotqaru öçen Nacafqa kilergä çaqırdı Qufa şährendä al Sistaninı qarşılau öçen xalıq cıyılğan mäçetkä bilgesez keşelär tarafınnan yasalğan höcümdä 3 distägä yaqın keşe häläk buldı, 60tan artıq yaralandı.

Şığılarnıñ izge şähre Nacafta Muqtada al Sadrnıñ Mähdi suğışçıları belän amerikannar tarafınnan yaqlanğan Ğıraq ğäskäriläre arasındağı qorallı bäreleşlär 3 atnadan birle däwam itä häm quyılğan ultimatum, kisätülärneñ dä ällä ni faydası bulmadı. İzge İmam Ali törbäsendä torğan Sadr suğışları annan çığıp kitergä cıyınmıy . Böten ömed Ğıraqnıñ ölkän şığı citäkçese ayatolla Ali al Sistanigä bağlandı. Ul Londonda däwalanıp Kuweitkä kilde häm çärşämbedä Basra meñnärçä tarafatrı, politsiä ozatuında Nacafqa taba yulğa çıqtı. Sistani Nacaf konfliktın tınıç yullar belän xäl qılu öçen suğışqan taraflarnı izge şähärdän çığıp kitergä häm şığılarnı Nacafqa çaqırdı. Bügen Nacafnıñ kürşesendäge Qufa şährendä ayatollanı sälämläü öçen şähärneñ altın gömbäzle mäçetenä cıyılığan xalıqqa bilgesez keşelärneñ yasağan höcümdä 2 distädän artıq keşe häläk bulıp 60tan artığı yaralanğan. Televidiniä mäçet baqçasında yatqan cäsätlärne kürsätte . Aşığıç yardäm maşinaları (audio) yaralılarnı xastaxanälärgä iltte.Xastaxanä räsmie Adil Qadım Reuterğa (audio) xastaxanägä 83 yaralı häm 5 mäyet kiterelde . Äle dä uramda häm Qufa mäçetendä yaralı keşelär bar dip äytkän. Qufa radikal şığı citäkçese Muqtada al Sadr taraftarlarınıñ nığıtması sanala.Qufada Sistaninı yaqlauçılar arasında torğan beräü (audio) Bez al Sistani öçen monda kildek. Bez xökümät häm okupatsion köçlärneñ Nacaf häm Qarbaladan çığıp kitüen sorıybız. Bez İmam Ali törbäsen saqlıyaçaqbız, bez amerikannarnıñ şunduq çığıp kitüen sorıybız dide Al Sadr taraftarları Qufadan Nacafqa taba yulğa çıqqaç bilgesez keşelär ut açqan , ülü, yaralılar buluı turında xabär itelde. Ayatolla al Sistani tınıçlıq urnaştıru mäqsatında Nacafqa barlıq yaqlauçıların çaqırdı . Al Sadrnıñ da üz yaqlauçıların Nacafqa çaqırğanı bilgele. Allawi xökümäte al Sistaninıñ Sadr wäkilçelege belän söyläşüe öçen atışlarnı tuqtatu iğlan itte . Nacaf gubernatorı söyläşülär näticäsez tämamlansa 24 säğättän soñ xärbi operatsiä başlanaaçq dip belderde. Allawi xökümäte qoralların taşlap ğıybadätxanädän çıqqan mäxdi suğışçılarına yarlıqau iğlan itäçäk, al-Sadrğa da irekle räweştä şähärdän kitü mömkinçelege birelä. al Sistani süzçese Axmäd al Xaffaf ike ruxaninıñ wakilçelege arasında söyläşülär başladı dip belderde. Sistani yardämçeläre belderüenä kürä , ayatollanıñ solıx planı al Sadr suğışçıların izge törbädän şulayuq barlıq çit il köçlären şähärdän kitergä çaqıra. Ul şulayuq Nacaftağı barlıq törkemnärneñ qoral taşlauın sorıyaçaq. Älegä Nacafta tınıçlıq xökem sörä.Ğıraq sälämätlek saqlau ministırı bügen ike insidentta 74 keşe ülde 380 keşe yaralandı dip belderde. Älegäçä Ayatolla rolendä genä qalırğa telägän bu yaqnı da tege yaqnı da ällä ni yaqlamağan al Sistani xäzer säyäsät üzägendä torğan keşegä äylände. Ul Nacafqa kilep citkän yaqlauçılarına şähärgä kermi torığız dip äytsä dä, Sadr taraftarları şähärdä köndäş törkemnär arasında bäreleşlär qabınıp kitär digän qurqu bar. al Sistani yaqlauçıları äytkäneçä ayatolla çınlap ta barlıq şığılarnı tıñlata alaçaqmı färidä xämit,praga
XS
SM
MD
LG