Accessibility links

якшәмбе, 4 декабрь 2016, Казан вакыты 09:22

Qazan Märyäm Ana ikonasın Rusägä qaytaruğa pravoslavlar şatlana, Tatar ictimaği üzäge – qarşı


Tatarstan prezidentı Mintimer Şäymiev äytüençä, Qazaznnıñ pravaslav dinendägelär Rim papsınıñ Qazan Märyäm Ana ikonasın Rus pravaslav çirkäwenä tapşıru xäbären şatlanıp qabul itkän. Bu xaqta Şäymiev İTAR-TASSqa birgän äñgämäsendä äytte. Vatikan başlığınıñ qararın ul “kiñ küñellelek ğämäle, katolik häm pravoslav çirkäwläre arasında bulğan qarşılıqlarnı cayğa salıp dialog başlarğa tırışu” dip bäyäläde. Şäymiev äytüençä, qazanlılar İzge Märyäm Ana ikonası Qazanğa tapşırılır dip ömetlänä.

İkona Mäskäw häm Böten Rusiä patriarxı Aleksey ikençegä tantanalı şartlarda 28 awgust könne tapşırılaçaq. Rusiägä kilgäç İzge Märyäm Ana ikonası qaya tapşırılır – ansın Patriarx xäl itäçäk.

Tatar ictimaği üzäge bu xäbärdän soñ Rim papsına maxsus möräcägät yulladı. Anda tatarlar Rim papasın qayçandır indiannarğa qarata yawızlıqlar qılğan katolik çirkäweneñ şuşı ğämälläre öçen täwbä kitergän qıyu keşe bularaq belä. Şuña kürä dä xäzer anı Qazan ikonası tiräsendä barğan säyäsi wäswäsädä qatnaşmasqa öndi. Tatar ictimağıy üzäge fikerençä, İzge Märyäm Ana ikonası urıs däwläteneñ tatar cirlären yawlap alu öçen uylap çığarılğan kolonial simvol bulıp tora.

Nail Alan

XS
SM
MD
LG