Accessibility links

шимбә, 10 декабрь 2016, Казан вакыты 08:08

Tanılğan yazuçı Sufian Povarisovqa – 80 yäş


Başqortstanda yäşäp ícat itüçe tanılğan tatar yazuçısı, filologí fännäre doktorı, Başqortstan däwlät universitetınıñ tatar tele häm ädäbiätı kafedrası professorı Sufín Powarísovqa 29 augustta 80 yäş tula. Soñğı 44 yılda töp eş urını universitettta möğällimlek qılu bulsa da, Sufín ağa ğömere buyı ädäbi ícat belän şöğellänergä dä forsat taba kilde. İkençe bötendönya suğış yulların kiçep, Drezden şähärenä qädär barıp citkän Sufín Powarísov, suğıştan soñ Qazan pedagogí institutınıñ tarix – filologí faqültetında belem ala. Annan Ufağa qaytıp tatarça çığuçı «Qızıl tañ» gäzitendä eşli başlí. Läkin fänni eşlärgä, möğällimlekkä säläte bulğan yäş belgeçne universitetta tatar taliplarına belem birü öçen eşkä çaqıralar. 1960 yıldan birle şunda eşli Sufín ağa. Äle dä yäşlärçä oçqın bar añarda, şuña da aña hiç kenä dä siksänne birep bulmí.

Soñğı distä yılda Sufín Powarísov ädäbi ícatta ayıruça cimeşle eşläde. Berniçä romanı, powestları dönya kürde anıñ. Ä klassik yazuçıbız Ğälimcan İbrahímovnıñ tormış häm ícat yulına bağışlanğan trilogí – epopeyäse uquçılar tarafınnan da, tänqitçelär yağınnan da ayıruça yuğarı bäyä aldı. Gazet – jurnallardağı ütker publitsistik yazmaları belän dä eş çığış yasí Sufín Powarísov. Ayıruça tatarlar belän başqortlarnıñ bügenge problemnarına, kiläçäktäge yazmışlarına qağılışlı uy fikerläre aktual anıñ. Başqortstanda tatar belän başqort xalıqları mönäsäbätlären çağıldırğan yazmalarında tanılğan yazuçı ike tuğandaş millätneñ dus yäşäwe öçen can ata. «Tatar belän başqort ber – berse belän açulanışsa, moña başqalar söyenep kenä toraçaq», – di Sufín Powarísov. 80 yäşlek tuğan köne aldınnan, bez yübilyär belän oçraşıp, anıñ tügäräk tuğan könen nindi ícat cimeşläre belän qarşı aluın beleştek.

(yazma)

Sez 29 augustta 80 yäşlek yübileyen bilgeläwçe tanılğan tatar yazuçısı häm ğälime Sufín Powarísov belän äñgämäne tıñladığız. Ädipneñ yübiley kiçäse başta – 10 sentäber könne anıñ tuğan yağı – İleş rayonında, ä köz aylarında Ufada oyıştırıla.

Fänis Fätxi, Ufa.

XS
SM
MD
LG