Accessibility links

чәршәмбе, 7 декабрь 2016, Казан вакыты 11:39

Nacaftağı başkütärü tuqtaldı


Nacafta 3 atnadan birle däwam itkän qorallı bäreleşlär tuqtalıp izge xac şährendä tınıçlıq urnaşa. Şığılarnıñ ölkän citäkçese Ayatolla Ali al Sistani belän radikal şığı citäkçese Muqtada al Sadr arasında ireşelgän kileşügä kürä Mäxdi suğışçıları qoralların taşlap comğa könne İmam Ali törbäsennän çığıp kitä. Tınıçlıq totrıqlı bulır mikän ?

Nixäyät 3 atna däwam itkän bäreleşlär , qan tügüdän soñ Nacafnıñ İmam Ali törbäsendä comğa könne kelämlär cäyelgän şatlıq doğa tawışları işetelä ide (audio) Meñnnärçä keşe Nacafnı ütep törbägä yul tottı, alarnıñ qayberläre işeklärne übep ğıybadätxanägä kerde. Şığılar ayatolla Ali al Sistaninıñ atnakiçtäge şau-şulı qaytuınnan soñ ireşkän solıx kileşüen bäyräm itte. Sistani, Muqtada al Saldrnıñ suğışçıların törbädän çığıp kitergä künderde ,ireşelgän kileşügä kürä AQŞ citäkçelegendäge çit il köçläre dä Nacaftan kitergä tieş. Törbädäge meñnäçä keşe bu eştä möhim rol uynadı. Çönki Sadrnıñ mäxdi suğışçıları törbägä kergän şul meñnnärçä keşe arasında annan çığıp kitte. Sistani kiñäşçese Hamed al Qafaf atnakiçtä törbä qapqaların açu kileşüneñ möhim öleşe bulıp tora dip äytkän ide (audio) Ayatolla Sistani ofisı Ğıraq xökümätennän sivillärneñ comğa könne irtänge 10da annan çığıp kitü şartı belän törbägä kerülärenä röxsät soradı. Bu kileşüneñ möhim şartı bu turıda Sistani belän Sadr kileştelär. Aldağı säğätlärdä sez Ğıraq häm Nacaf öçen uñay inisiatiavalar häm izge törbäneñ qotıluı turında işetäçäksez dip söyläde Sistaninıñ solıx kileşüenä esasän, barlıq qorallı törkemnär Nacaf häm kiçä 74 keşeneñ häläk bulğan 350keşeneñ yaralanğan kürşedäge Qufa şährennän çığıp kitergä tieş. Atnakiçtä Ğıraq saqlanu ministırı Qasim Daud tınıçlıq ilneñ başqa şähärlärenä dä cäyeler digän ömed belderde. Daud Sadr häm anıñ suğışçıları turında bolay dip söyläde(audio) Mäxdi armiäse qoralların taşlağan xäldä bez alarğa säyäsi törkem dip qarıyaçaqbız. Ğıraq cämğiätendä här säyäsi törkemneñ politik prosessqa qatnaşu xoquqı bar. Comğada Sadr suğışçılarnıñ ber öleşe arbalarğa qoralların yäkläsä, ikençeläre qoralların tapşırunı kire qaqqan. Xabärlärgä qarağanda küp kenä suğışçılar qoralların öylärenä alıp kitkän Ber suğışçı wazğiät naçarlansa , bez alarnı qullanaçaqbız digän. Başqa berse(audio) Bez ciñüçelär. Bu açıqça kürenä.Nacafqa kilüçelär monı belä. Bez citäkçebez Muqtada al Sadr äytkäneçä eşlibez bez Ğıraqqa uñışlar telibez dip söyläde. Nacafta 3 atna dewam itkän başkütärü älegä tämamlanğan kebek .Ämma ilneñ tönyağında Musul şährendä şartlatılğan maşina bombası 10ğıraqlı häm ber amerikan ğäskärieneñ yaralanuına säbäp buldı.Bu AQŞtarafınnan yaqlanğan waqıtlı xökümätkä qarşı başkütärüdä sonğı insident bulıp tora älegä

färidä xämit,praga
XS
SM
MD
LG