Accessibility links

якшәмбе, 4 декабрь 2016, Казан вакыты 02:58

Çit il ğäskärläre küzätüne Ğiraq politsiäsenä tapşırıp Näcaftan kitä


Ğiraqnıñ Näcäf şähärendä İmam Ali törbäse yanına berniçä distä meñ keşe cıyıldı. Öç atna däwamında törbädä koalitsiä köçlärenä qarşılıq kürsätep baş kütärüçelär yäşerenep tordı. Baş kütärüçelär başlığı Moqtada Äs Sadr qorallarnı quyarğa dip färman birde. Anıñ yaqlılar qoralların tapşıra häm mäçettän kitä. Näcaftä yäşäwçelärneñ berse bolay dip äytte: "Bez Ayatulla Ali Äs Sistaniğa tınıçlıq täqdimnäre öçen räxmätlebez. Häm barlıq ruxanilarğa häm säyäsätçelärgä bu nizağnı xäl itä alğan öçen räxmät belderäbez". Kiçä Näcafta Ğiraq şigiläreneñ yuğarı ruxi başlığı Ayatulla Ali Äs Sistani Moqtada Äs Sadr belän qan qoyunı tuqtatu turında kileşä aldı. Ğiraq xökümäte äğzası Qasim Dawıt bolay dide: "Bez böyek Ayatulla Ali Äs Sistani täqdim itkän tınıçlıq planın qabul ittek. Häm bez Näcaftağı şigilärnıñ izge urınına kilä alsın öçen dindarlarğa yul açarğa rizalıq birdek". Ğiraq xökümäte xuplağan kileşügä kürä, çit il ğäskärläre küzätüne Ğiraq politsiäsenä tapşırıp Näcaftan kitä.

XS
SM
MD
LG