Demonstratsiälär C.Powellnıñ Gretsiä başqalasına planlaştırılğan säfärenä qarata comğada başlandı häm şimbädä däwam itte. (audio)
Comğada 1500 çaması demonstrant AQŞnıñ Ğıraq häm başqa mäsälälärdäge tışqı säyäsätenä protest belderde. Politsiä cıyınnı taratu öçen yäş gazı qullandı. 100çaması demonstrant barikadalarnı ütep AQŞ ilçelegenä ireşergä tırışsa da ,politsiä alarnı tuqtattı. Powell kilergä tieşle waqıttan ber niçä säğät elek Gretsiä kommunistlar partiäse Afinanıñ Akropolis qalqıluğına bik zur plakat urnaştırdı. Anda ''keşe üterüçe Powell öyenä qaytıp kit'' dip yazılğan ide . Powell Afinağa kilmi digän xabär taralğannan soñ plakat annan alındı. Waşingtonda Däwlät Departamentı süzçese Kurtis Cooper Powellneñ säfärennän wazkiçüendä Amerikağa qarşı protestlar bernindi rol uynamadı dip belderde.
Gretsiä tışqı eşlär ministırlığı belderüençä , Powell grek kollegası Molyviatisqa Waşingtondağı aşığıç yöklämälär säbäple Afinağa kilä almawın xabär itkän. Ministırlıq Powellnıñ başqalağa üktäber ayında kiläçägen belderde.
Bügenge demonstratsiädä ber protest belderüçe(audio)
Bez Powellnıñ Afinağa kilmävenä şatlandıq. Bez Powellnıñ üktäberdä kiläçägen häm Gretsiäneñ Ğıraqqa ğäskärlär cibäräçägen beläbez.Bez monda AQŞ säyäsätenä , Yevropa Berlege xökümätenä Ğıraq suğışına Yugoslaviä häm dönyadağı barlıq suğışlarğa qarşı demonstratsiä ütkäräbez dip söylägän.
Xalıqara Olimpia Komitetı Powell qararına qarata ber nindi dä komentar birmibez dip belderde.
färidä xämit,praga
färidä xämit,praga