Çeçnä saylaw komissiäse räsmiläre bügen Çeçnädä ütkärelgän prezident saylawları ğämäli dip tanıla, anda barlıq saylawçılarnıñ 43 protstentı tawış birde dide.
Saylawlar ğämäli bulsın öçen saylawçılarnıñ kimendä 30 protsentı qatnaşırğa tieş.
Prezident saylawlarında barlığı 7 namzät qatnaşa. Şularnıñ berse Mäskäw tarafınnan yaqlanğan Alu Alxanov.
Bügen Groznıyda tawış birü urını yanında bomba şartlatuçı hälak buldı. Saylaw komissiäse räsmiläre äytüençä, militsiä yaqınlaşa başlağaç ul keşe yögerep qaçırğa telägän häm şunda bomba şartlağan. Şartlatuçıdan başqa yaralanuçılar, ülüçelär yuq. Reuters xäbär agentlığı belderüençä, Rusiä räsmiläre bu keşe ezlänelgän çeçen separatistı ide dip äytkän.
Saylawlar säbäple Çeçnädä iminlek çaraları bik nıq nığıtıldı. Saylawlar elekke prezident Äxmät Qadirovnıñ 9-nçı mayda üterelüe säbäple ütkärelä.
