Accessibility links

шимбә, 10 декабрь 2016, Казан вакыты 00:33

Olimpia Uyınnarı: xatın-qızlar: mädäniätlär yarışı


Şatlıq, açu ,skandallar bäyrämnär belän Olimpia Uyınnarı tämamlandı. Başqa ölkälärdä bulğan kebek xatın qızlar bu sport yarışlarına da qatnaşu öçen bik ozaq waqıt köräşte. Borınğı Gretsiädä xatın qızğa Olimpia uyınnarın xätta qarau da tıyıla ide.Bügen bez 2004 nçe yılğı uyınnarda xatın qızlar ayrım alğanda konservativ möselman illäre jurnalistları sport yarışların üz televidiniä qarauçılarına niçek kürsätte digän mäsälägä tuqtalmaqçıbız.

Xatın qız borınğı Gretsiädä bulğan kebek Olimpia uyınnarında inde telenmägän keşelär tügel. 2004 nçe yılda borınğı Grek tänreläreneñ bigräk tä açuı çıqqandır . Alarnıñ izge urınnarına xatın qızlar ğına basıp kermäde ä citmäsä eşne oyıştıru belän dä alar citäkläde. 28nçe Olimpia Uyınnarı açılğanda böten dönya 2 grek xatın-qızın alqışladı. Berse 3meñ yıllıq Afinanı Olimpia uyınnarı öçen tözekländergän, böten şähärne buyap çığıp , fantastik sport infrastrukturası buldırğan , şähärneñ berençe xatın qız mere Dora Bakayannis . İkençese Olimpia Uyınnarın Oyıştıru komitetı prezidentı Gianna Angelopulos ide.Başqa professional dönyada bulğan kebek sport ölkäse dä xatın qızğa citäkçel rollär birergä aşıqmıy.Mart ayında Marokkoda Marakeşte Xalıqara Olimpia Komitetınıñ konferensiäsendä , Marokko Olimpia, milli häm xalıqara sport ölkälärendä xatın qızlar in kimendä 20%nı täşkil itergä tieş dip tawış birde. Älege waqıtta 8% qına. Xalıqara Olimpia Komitetınıñ 112 äğzasınıñ 12se genä xatın qız.Komitet vitse prezidentı xatın qız . Germaniä Yözü Assosiatsiäseneñ prezidentı Christa Thielneñ medallär bulmasa xatın qız sport säyäsätendä qıyulandırılmıy dip äytüe ällä ni yalğış tügel . Atlet, sportçılarğa kilgändä xällär üzgärde. Cäyge Olimpia Uyınnarına 1988nçe yılda Seulda qatnaşqan sportçılarnıñ 25%xatın qız bulsa bıyıl Afinada sportçılarnıñ 40% xatın qız ide. Xatın qızlar 1900 dä genä Olimpia uyınnarına qatnaştırıldı anda alarğa golf, tennis uynarğa röxsät itelde. 1908nçe yılda Annette Keller isemle amerikan yözüçeseneñ yözü kieme botların qaplamağan öçen törmägä yabıldı. Keller ul çaqta dönyada böten keşegä yözer öçen citärlek su bar dip äytkän ide. 1928nçe yılda Olimpia komitetı prezidentı Olimpiağa xatın qızlar qatnaştırılmasqa tieş dip belderde. Çönki 800 meter yögergän sportçı xuşı kitep yığılğan ide. 1960-nçe yılğa qädär xatın qızğa bu xalıqara sport yarışında 200meterdan artıq yögerü tıyılğan ide. Xatın qızlar öçen maraton 1984nçe yılğa qädär yıraqtağı töş ide.Futbol da ir atqa ğına mäxsus uyın dip qaraldı. Ämma sonğı distä yılda futbul xatın qızlar arasında şul qädär popular sportqa äylände ki ul 1996nçe yılda Olimpia programmasına kertelde . 2004nçe yılda xatın qızlar köräş mendärenä dä çıqtı.. Başta äytelgäneçä xatın qızlar başqa eşlärdä bulğan kebek Olimpia uyınnnarında bügenge xoquqlarğa ireşü öçen bik ozın yul ütte. Keşe gewdäse ul ğadi närsä tügel . Keşe gäwdäse ber yk waqıtta böten ber kulturanı da mäydanğa quya.Şunlıqtan Olimpia uyınnarı keşe gäwdäseneñ genä yarışı tügel ä ber yk waqıtta kulturalarnıñ da yarışı. Kiyem probleması Olimpia uyınnarındağı bik küp problemalarnıñ berse genä. Ğäräb kiñ küläm mätbuğat çaraları moña niçek qarıy.Misal öçen şärä diärlek bik az kiyemle xatın qız sportçılarnıñ qom voleybolın irlär bik yaratıp qarıy.Germaniä televidiäseneñ ğäräb illäre Olimpia Uyınnarı turında niçek xäbär itä digän mäxsus tapşıruında Al İraqıya televidiäseneñ xabärçese Şehab xanım Şurag närsä kürsätelä anı Bagdadta irlär qarar birä dip äytte. Bez qayber yarışlarnı kürsätmibez, bez möselman ile andıy närsälärne qararğa telämibez dip söyläde alman televidiniäsenä Şurog xanım. Monda inde kükräkçä häm bik keçnä ştannar kigän xatın qızlarnıñ qom voleybolı turında süz baruı añlaşıldı.Älbättä xatın qıznıñ yögerü, yözü qom voleybolı kebek yarışlarnı Suğut Ğäräbstäne dä kürsätmi.Ämma Misırnıñ Nil Sport isemle kanalı barlıq yarışlarnı kürsätä. Bik çibär, simpatik Noha Gafarnıñ komentarların tönyaq Afrikadan Farsı Qultığı illärenä qädär tıñlıylar. Misır Olimpia törkemeneñ treinere Safiya Sarwat 19yıldan birle xatınnar da irlär dä yözü yarışlarına qatnaşa , başnı yaulıq belän qaplau ğına yaxşıraq möslimälär buldırmıy dip ul tupturı äytte alman televidiesenä. Noha Gafar barlıq ğäräb xatın qız sportçıları belän ängämä qora , iärçen televidiäse bernindi kirtälär tanımıy . Şunlıqtan Sport Nilne qarauçılar küp. 100meter yögerü yarışlarına qatnaşqan bahrainlı Rakia al Basranı kürdegezme,belmim .Ozın çalbar ozın cinle külmäk, başı nıq itep yaulıq belän qaplanğan bu sportçı üzen az kiyemle yarışçılar arasında niçek xis itkänder, bu sorauğa ul cawap birüdän baştartqan.3märtäbä Olimpia uyınnarına yözüçe bularaq qatnaşqan Rania Elwani inde yözü kiyeme belän cämäğätçelek aldında üzen kürsätmäskä qarar birep başı yaulıqlı Olimpia komitetında utıra . Rania Elwani qaraşınça bu kultura probleması ğına tügel . Farsı Qultığı töbägendä xatın qızlarnıñ 20% ğına sport belän şägellänä.Alar qatı eşkä iläşmägän , äytep kitkän 20% arasınnnan Olimpiağa qatnaşaçaq däräcädä talantlı sportçılarnı saylau qıyın.Äyye şul saylanğan sportçılar yıllarça in yaxşı şartlarda in yaxşı treinerler belän, xätta çit illärgä alıp barılıp, künegülärdän ütkärelä. Ämma 2004nçe yılğı Olimpia Uyınnarına 100 meter yögerergä kilgän 3 xatın qız sportçı bötenläy başqa şartlardan kilde. Alardan berse äfgan qızı Robina Muqimyar , anıñ turında bez elegeräk söylägän idek İkençese Ğıraqlı Yassim , Äfganstan , Ğıraq kebek bıyıl berençe märtäbä Olimpia Uyınnarına Kiribati dä qatnaştı. Könyaq tın Okeanınıdağı 33 utraudan torğan ildä 85 meñ keşe yäşi İl bik bay bulmasqa tieş Yarışlarğa qatnaşqan 90 sportçığa Kiribatinıñ 10 sport başmağı birerlek kenä xäle bulğan. Şulay itep 20yäşlek 100meter yögerüçese Mwem weata ğämerendä berençe märtäbä yögürü başmaqların Afinada kide. Tanılğan sport şirkäte NİKE aña ber par başmaq büläk itte.Palme talları, botaqlarınnan yasalğan alaçıqta elektr, susız, televidiniäsez üskän bu sportçı berençe märtäbä kondisienerlı bülmädä , yataq matrasta yoqladı dip xabär itä KNT basması. färidä xämit,praga
XS
SM
MD
LG