Alu Alxanovnıñ ciñüe räsmi töstä iğlan itelmäsä dä, üzäk saylaw komissiäse räise Ğäbdelkärim Arsaxanov inde tönlä ük, qazanğan tawışlar yağınnan Alxanovnıñ başqa nämzätlär quwıp citmäslek alğa kitüen xäbär itte. Räsmi näticälär tağın öç könnän soñ, tawış birüneñ axırğı berketmäse imzalanu belän iğlan iteläçäk dip kötelä. Ciñü öçen nämzätkä tawış birüdä qatnaşqan saylawçılarnıñ yartısı yaqlawın qazanu kiräk, Arsaxanov süzlärenä qarağanda, Alxanov şul xälitkeç kirtäne inde tawışlarnıñ 65 protsentı sanalğanda uq uzıp kitkän. 9-nçı mayda üterelgän elekke prezident Äxmät Qadırov çorında Alu Alxanov Çeçnäneñ eçke eşlär ministrı bulıp eşlägän ide. Saylawlarda ul federal'' üzäkneñ dä, märxüm Qadırov tirälegeneñ dä keşese bularaq qatnaştı. Anı bügenge Çeçnädä zur qüwätkä iä Ramzan Qadırov, elekke prezidentnıñ ulı da yaqlap çıqtı. Başqa kürenekle çäçän ähellärennän ayırmalı bularaq Alxanov berqayçan da Rusiägä qarşı köräşmäde. Soñraq Mäskäw keşesenä äylängän Äxmät Qadırov äle Cäxär Dudayev belän bergä bulğanda da Alxanov federal'' üzäk yağında ide. Bu yaqtan qarağanda ul, şul uq Ramzan belän çağıştırğanda da Mäskäw öçen bik qulay keşe. Döres, üzenä tawışlar qazanu maqsatında ul soñğı aralarda Çeçnäneñ kiläçäktä Rusiä eçendä bulsa da, kiñräk möstäqillekkä ireşü kiräklege turında belderä başladı. Monı ul berniçä kön elek, Mäskäwdä yäşägän çäçän wäkilläre belän oçraşqanda belderde.
Audio
Prezident itep saylanğan oçraqta ul töp östenlekne iqtisadi ölkägä, Çeçnädäge xucalıqnı torğızuğa biräçägen belderä häm şul maqsatqa ireşü, töbäkkä yaña investitsiälär cälep itü öçen anda irekle iqtisadi zona buldırırğa tırışaçağın äytä.
Audio, Alu Alxanov
Kremlneñ Çeçnä saylawlarındağı töp nämzäte üz çığışında kiläse biş yılda töbäktäge eşsezlekne dä kisken räweştä kimetäçägen wäğdä itte. Bügenge köndä bu san 70 protsent tiräsendä, Alxanov kiläçäktä 150 meñ eş urını buldırıp eşsezlek däräcäsen 15 protsentqa töşeräçägen äytä. Şuşı eşlärendä ul çittäge çäçännär yardämenä dä ömetlänä häm alarnı, Çeçnäne torğızu eşendä qatnaşu öçen watannarına qaytuğa öndi.
Audio, Alu Alxanov
Çeçnädä däwam itkän totrıqsızlıq säbäple Alxanovnıñ şuşı täqdimen qabul itüçelär älegä küp bulmasqa oşap tora. Läkin berük waqıtta ul andağı nizaqqa säyäsi çişeleş tabarğa tırışuın da kürsätä. Misal öçen ul, bäysezlek tarafdarları citäkçese Aslan Masxadovqa solıx qulın suzarğa äzer buluın belderä. Monıñ şartı itep Alxanov, Masxadovnıñ elekke xataların tanuın quya. Mäskäw Kremle nämzäteneñ 29-nçı awgust uzaçaq tawış birüdä ciñäçäge küplär öçen inde xäl itelgän närsä bulıp tora. Läkin anıñ çärşämbedä bäyän itkän säyäsi maqsatların ğämälgä quyuı, birgän wäğdälären ütäwe, monısı inde başqa mäs''älä. Radiobıznıñ Tönyaq Kavkaz bülegendä eşläwçe xezmätkäre Xasin Raduyev, Alu Alxanovnıñ kiläçäktä uñışqa ireşü-ireşmäwe, keçe Qadırovqa buysınğan meñlägän qorallı särdarnıñ yaña prezidentqa tuğrı bulıp qaluına bäyle dip isäpli.
Audio, Xasin Raduyev
Raduyev fikerençä, Kavkazdağı, bigräk tä Çeçnä häm Dağstandağı wäzğiat şundıy ki, keşe anda citäkçe itep, üze tiräsendä küpmeder qorallı särdar bulğanda ğına tanıla ala. Sez anı prezidentnıñ iminlek xezmäte dipme, ällä inde başqaça atıysızmı, anısı möhim tügel. Andıy köçsez, andıy yaqlawsız Alu Alxanovqa Çeçnäneñ çın citäkçesenä äylänü bik awır bulaçaq, di Xasin Raduyev. Üzen Mäskäw kiläçäktä dä yaqlağan oçraqta Alxanovnıñ şundıy qorallı yädräse wazifaların Çeçnädäge federal'' köçlär üti ala.
Kärim Kamal
Audio
Prezident itep saylanğan oçraqta ul töp östenlekne iqtisadi ölkägä, Çeçnädäge xucalıqnı torğızuğa biräçägen belderä häm şul maqsatqa ireşü, töbäkkä yaña investitsiälär cälep itü öçen anda irekle iqtisadi zona buldırırğa tırışaçağın äytä.
Audio, Alu Alxanov
Kremlneñ Çeçnä saylawlarındağı töp nämzäte üz çığışında kiläse biş yılda töbäktäge eşsezlekne dä kisken räweştä kimetäçägen wäğdä itte. Bügenge köndä bu san 70 protsent tiräsendä, Alxanov kiläçäktä 150 meñ eş urını buldırıp eşsezlek däräcäsen 15 protsentqa töşeräçägen äytä. Şuşı eşlärendä ul çittäge çäçännär yardämenä dä ömetlänä häm alarnı, Çeçnäne torğızu eşendä qatnaşu öçen watannarına qaytuğa öndi.
Audio, Alu Alxanov
Çeçnädä däwam itkän totrıqsızlıq säbäple Alxanovnıñ şuşı täqdimen qabul itüçelär älegä küp bulmasqa oşap tora. Läkin berük waqıtta ul andağı nizaqqa säyäsi çişeleş tabarğa tırışuın da kürsätä. Misal öçen ul, bäysezlek tarafdarları citäkçese Aslan Masxadovqa solıx qulın suzarğa äzer buluın belderä. Monıñ şartı itep Alxanov, Masxadovnıñ elekke xataların tanuın quya. Mäskäw Kremle nämzäteneñ 29-nçı awgust uzaçaq tawış birüdä ciñäçäge küplär öçen inde xäl itelgän närsä bulıp tora. Läkin anıñ çärşämbedä bäyän itkän säyäsi maqsatların ğämälgä quyuı, birgän wäğdälären ütäwe, monısı inde başqa mäs''älä. Radiobıznıñ Tönyaq Kavkaz bülegendä eşläwçe xezmätkäre Xasin Raduyev, Alu Alxanovnıñ kiläçäktä uñışqa ireşü-ireşmäwe, keçe Qadırovqa buysınğan meñlägän qorallı särdarnıñ yaña prezidentqa tuğrı bulıp qaluına bäyle dip isäpli.
Audio, Xasin Raduyev
Raduyev fikerençä, Kavkazdağı, bigräk tä Çeçnä häm Dağstandağı wäzğiat şundıy ki, keşe anda citäkçe itep, üze tiräsendä küpmeder qorallı särdar bulğanda ğına tanıla ala. Sez anı prezidentnıñ iminlek xezmäte dipme, ällä inde başqaça atıysızmı, anısı möhim tügel. Andıy köçsez, andıy yaqlawsız Alu Alxanovqa Çeçnäneñ çın citäkçesenä äylänü bik awır bulaçaq, di Xasin Raduyev. Üzen Mäskäw kiläçäktä dä yaqlağan oçraqta Alxanovnıñ şundıy qorallı yädräse wazifaların Çeçnädäge federal'' köçlär üti ala.
Kärim Kamal