Accessibility links

дүшәмбе, 5 декабрь 2016, Казан вакыты 19:46

Tuğan könnär qotlı bulsın


Bezneñ xalıq yubileylar, tuğan könnärne yarata. Däwlät däräcäsendäge bäyräm könnärendä şuşı avgust axırında tuğan könnären bilgeläwçelärne iskä alası kilä. Cirle FM radiolarınnan ayırmalı bularaq, “Azatlıq” radiosı keşelärne tuğan könnäre belän täbriklämi. Ämma, näq ike yıl elek Bötendönya tatar kongressı delegatları, tatar cämäğätçelege belän Rusiä prezidentı Vladimir Putinnıñ oçraşuın iskä almıy mömkin tügel. Ul söyläşü, anda äytelgän qıyu häm mäğnäle, saqçıl häm populistik süzlär äle dä tellärdän töşmi. Şuşı oçraşuda tuğan tel, Başqortstan tatarları turında tirän häm qıyu fikerlär äytkän Nurmöxämmät Xösäyenov köräşçe häm mäğrifätçe bularaq böten dönyağa taraldı. 30 avgust - anıñ tawışı böten Rusiägä, dönyağa işetelgän kön. Ä bıyıl, 31 avgustta Bäläbäydä ürnäk tatar gimnaziäse oyıştırğan Nurmöxämmät Xösäyenovqa näq 50 yäş tula. Bu waqiğanı Bäläbäydä niçek bilgelilärder, ämma Qazanda bu mäğrifätçene iskä aldılar häm yaqın arada anıñ yanına barıp, oçraşırğa teläwçelär küp.

Tağın berniçä şäxesne iskä alıyq. Tuğan könnäre Respublika köne belän täñgäl kilüçelär arasında respublikanıñ berençe vitse-premyerı Rawil Moratov, ğalim, TatNİPİneft' institutı direktorı Rawil İbätullin dä bar. Şul uq könne “Azatlıq” radiosında ozaq yıllar buyı eşläwçe Färidä Xämit tä tuğan. Çit illärdä yäşäwçe iñ kürenekle zıyalılarıbız kebek ük ul Qıtayda tuıp, Törkiädä, Germaniädä, Çexiädä yäşäp tä, härwaqıtta tatar ilendä, tatar küñelendä qala.

Tağın ber radio turında äytep kitik äle. Qazanda 73,97FM yışlığındağı “Quray” radiosı açıluğa äle 8 yıl ğına tulğan. 1996 yılnıñ 30 avgustında tuğan “Quray” radiosı xezmätkärlären – İrkä Musina, Radik Zlatovnı, alıp baruçılar - Säriä, Ğäbderäxim, Liliä, Miläwşäne häm “Quray” tıñlawçıların bez bu bäyräm belän qotlıybız.

Rimzil Wäli, Qazan

XS
SM
MD
LG