30nçı avgustnıñ kiçendä cömhüriät könen bäyräm itü Yärminkä, Ğäliäskär Kamal teatrı, milli-mädäni üzäk mäydannarında häm üzäk stadionında däwam itte.
Stadionda ütkän tantanada prezident, respublika citäkçelege, qunaqlar bar ide. Stadionnıñ bizäleşe, cır-iyüllär, törle tamaşalar ğädättägedän dä matur buldı. Bıyılğı bäyräm yubiley tantanasınıñ uynap qaraw bulıp çıqtı. Tantana Rusiä häm respublika älämnären çığaru, respublikada yäşäwçe millätlärneñ duslığın yaqtırtuçı balalar iyülläre belän başlanıp kitte. Aldan iğlan itelgän bulsa da, biredä prezident Mintimer Şäymiev çığış yasamadı.
Konsertta qatnaşuçılar arasında Asaf Wäliev, Venera Ğänieva, İdris Ğaziev kebek populyar cırçıları, Başqortstan qunağı Näzifä Qadırova dä bar ide. Yäşlär käyefen kübräk Mälikä, rus cırçısı Radion Yefremov kütärde. Şulay uq şähär xärbi uçilişçesı, törle professional biü ansambl’läre, cır-biyu tügäräklärenä yörüçe balalar stadion tamaşasında qatnaşıp, ostalıqların kürsätte.
Sportqa urın küp birelgän ide. Tatar-başqort köräşe, çabış, ger kütärü kebek yarışlarda şähärneñ häm qayber rayonnarnıñ sport ostaları köç sınaştı. Ciñüçelärgä şähärneñ xakimiät başlığı Qamıl İsxaqov büläk tapşırdı. Qazannıñ Sovet, Yaña Savin rayonnarı sportçılarınıñ arqan tartışu, yögerü yarışları, alarnı zurlaw ozaqqaraq suzıldı.
Stadionğa cıyıluçılar başta küp kenä kürensä dä, tantana axırında inde urınnarnıñ şaqtıyı buşap qaldı. Qayberäwlär fikerençä, monda bäyräm iske formada oyıştırılğan ide. Küpçelek yäşlär Yärminkä mäydanında ütkän rus rok cırların tıñlap, şunda taptandı.
Bäyrämneñ iñ dulqınlı mizgelläre kiçke säğät unda başlanıp, 45minut däwamında balqığan salyut belän bäyle. Şulay uq aña irtännän Qazan hawası buylap säfärdä yörüçe qaynar lavalı aerostatlarnıñ tönge balqışı da quşıldı.
Bäyräm urınnarında araqı, şaşlık satılmadı, şuña kürä küpçelek ayıq ide. Şulay da yäşlärneñ zamança estradası tiräsendä qızmaça yeget-qızlar az tügel ide.
Tağın ber üzençälek. 30nçı avgustta avtomobil' uzışında prezident kubogın premyer ministr Röstäm Miñnexanov ayuladı. Ämma zurlaw basqıçına - p'yedistalğa Miñnexanov tügel, ä anıñ avtomexanigı bastı. Ä çempion häm xökümät başlığı Röstäm.Minnexanov üz eşläre belän qayadır cildertkän ide.
Al'bina Zäynulla, Qazan.
Stadionda ütkän tantanada prezident, respublika citäkçelege, qunaqlar bar ide. Stadionnıñ bizäleşe, cır-iyüllär, törle tamaşalar ğädättägedän dä matur buldı. Bıyılğı bäyräm yubiley tantanasınıñ uynap qaraw bulıp çıqtı. Tantana Rusiä häm respublika älämnären çığaru, respublikada yäşäwçe millätlärneñ duslığın yaqtırtuçı balalar iyülläre belän başlanıp kitte. Aldan iğlan itelgän bulsa da, biredä prezident Mintimer Şäymiev çığış yasamadı.
Konsertta qatnaşuçılar arasında Asaf Wäliev, Venera Ğänieva, İdris Ğaziev kebek populyar cırçıları, Başqortstan qunağı Näzifä Qadırova dä bar ide. Yäşlär käyefen kübräk Mälikä, rus cırçısı Radion Yefremov kütärde. Şulay uq şähär xärbi uçilişçesı, törle professional biü ansambl’läre, cır-biyu tügäräklärenä yörüçe balalar stadion tamaşasında qatnaşıp, ostalıqların kürsätte.
Sportqa urın küp birelgän ide. Tatar-başqort köräşe, çabış, ger kütärü kebek yarışlarda şähärneñ häm qayber rayonnarnıñ sport ostaları köç sınaştı. Ciñüçelärgä şähärneñ xakimiät başlığı Qamıl İsxaqov büläk tapşırdı. Qazannıñ Sovet, Yaña Savin rayonnarı sportçılarınıñ arqan tartışu, yögerü yarışları, alarnı zurlaw ozaqqaraq suzıldı.
Stadionğa cıyıluçılar başta küp kenä kürensä dä, tantana axırında inde urınnarnıñ şaqtıyı buşap qaldı. Qayberäwlär fikerençä, monda bäyräm iske formada oyıştırılğan ide. Küpçelek yäşlär Yärminkä mäydanında ütkän rus rok cırların tıñlap, şunda taptandı.
Bäyrämneñ iñ dulqınlı mizgelläre kiçke säğät unda başlanıp, 45minut däwamında balqığan salyut belän bäyle. Şulay uq aña irtännän Qazan hawası buylap säfärdä yörüçe qaynar lavalı aerostatlarnıñ tönge balqışı da quşıldı.
Bäyräm urınnarında araqı, şaşlık satılmadı, şuña kürä küpçelek ayıq ide. Şulay da yäşlärneñ zamança estradası tiräsendä qızmaça yeget-qızlar az tügel ide.
Tağın ber üzençälek. 30nçı avgustta avtomobil' uzışında prezident kubogın premyer ministr Röstäm Miñnexanov ayuladı. Ämma zurlaw basqıçına - p'yedistalğa Miñnexanov tügel, ä anıñ avtomexanigı bastı. Ä çempion häm xökümät başlığı Röstäm.Minnexanov üz eşläre belän qayadır cildertkän ide.
Al'bina Zäynulla, Qazan.
