Accessibility links

İran Ğiraqta totıq itep alınğan Fransiä jurnalistların irekkä çığarırğa çaqırdı


Fransiäneñ tışqı eşlär ministrı Michel Barne Ammanda İordaniä tışqı eşlär ministrı Märwän Muaşer belän söyläşülär ütkärde. Yaqlar Ğiraqta ğıysyançılar totıq itep alğan Fransiäneñ ike jurnalistın azat itü yulların ezli. “Ğiraqnıñ islam armiäse” törkeme, ägär dä Fransiä däwlät uqu yortlarında möslimälärneñ yawlıq yabuların tıyunı betermäsä, totıqlarnı cäzalap üterü belän yanıy. Fransiä xökümäte ğisyançılar taläbenä buysınmasqa buldı. Dönya cämägätçelege jurnalistlarnı irekkä çığarunı taläp itä. Fransiä möselmannarı şurası başlığı Dalil Bubaker bolay dide: “Ğiraqtağı bezneñ möselman qardäşlär belä, bez qurqınıç şartlawçan wäzğiättä. Şuña kürä, alardan jurnalistlarnı kiçekmästän ğäilälärenä qaytarunı ütenäbez”. İran tışqı eşlär ministrlığı Fransiäneñ ike jurnalistın kiçekmästän irekkä çığarırğa çaqırdı. İranda mätbuğat ireklege öçen köräş assotsiatsiäse wäkile Maşalla Şams Ol Waäzin totıqlarğa yärdäm itü öçen Ğiraqqa barırğa teläk belderde.
XS
SM
MD
LG