Accessibility links

чәршәмбе, 7 декабрь 2016, Казан вакыты 01:00

Ğıraqta 12nepalle totıq üterelde, ike fransuz jurnalistınıñ yazmışı bilgele tügel


Ni qızğanıç ki xörmätle tıñlauçılar Dönya Solıx Könendä sezgä terror,qan tügü üterülär turında ğına söylärgä turı kilä.Küzätülärdäge sonğı yazmabız Ğıraq turında .Anda 12 nepalleneñ üterelüennän soñ totıqlar krizisı kiskennäşep kitte.İke fransuz jurnalistınıñ yazmışı älegä açıq bilgele tügel.Törle terror törkemnäre qulındağı 20çaması totıqnıñ bügen 7se irekkä çığarılğan.

BMOsı general sekretarı K.Annan 12 nepalle eşçeneñ Ğıraqta terrorçılar tarafınnan üterelüe qotoçqıç, däxşätle xäl dip äytep, ildäge barlıq totıqlarnıñ irekkä çığarıluın taläp itte. Sonğı aylarda 100dän artıq çit il keşese Ğıraqta totıq itep alındı. Alarnıñ ber öleşe irekkä çığarıldı, ämma 25 üterelde. Nepal başqalası Katmanduda yözlärçe protest belderüçe çärşämbedä binalarğa häcüm itep politsiä belän bäreleşte. Xakimiätlär başqalanıñ qayber öleşlärendä xalıqqa uramğa çıqmasqa quştı. Protest belderüçelär totıqlarnı qotqaru öçen bik az eşçänlek alıp barğan xakimiätlärne ğäyepli.Üterelgenän ber nepalleneñ kürşese Binod (audio) Bu insident xökümätneñ ber närsä eşlämäwen kürsätä.Eşbirüçe şirkätlär alarnı Ğıraqqa cibärmäskä tieş ide. Xökümät alarğa Ğıraqqa baru röxsäte birmäde . Bu bik yaman insident. Nepal tışqı eşlär ministırı Prakash Sharan Mahat keşe urlauçılar ber nindi taläp quymadı şulayuq waqıt ta bilgelämäde bu älbättä bezne şok xälendä qaldırdı dip söyläde.Üzen Ansar al Sunna armiäse dip atağan törkem nepallelär möselmannarğa qarşı suğıştı, yähüd häm xristiannarğa xezmät itte häm alar Buddağa Allaları dip ışana digän belderü yasadı. Nepal bik yarlı hindu ile. Ul Ğıraqqa xärbilär cibärmägän kebek iminlek säbäplärennän çığıp watandaşlarına anda barıp eşläwne dä tıydı.Mätbuğat xabärlärenä qarağanda nepallelär 12 kön elek urlanğan. Alar Yordaniädä ber şirkät öçen aşpeşerüçe, cıştıruçı bulıp eşlägän.Nepallelär Yordaniädän Ğıraqqa kergäç tä urlanğan bulğan. Belgenegezçä üzen Ğıraqnıñ İslamçı Armiäse dip atağan ber törkem 2fransuz jurnalistın urlağan häm Fransiädä däwlät mäktäplärendä möselmança yaulıq bäyläwne tıyğan qanun köçtän çığarılmasa alarnı üterü belän kisätä. Prezident J.Chirac (audio) Fransiä xakimiätläre bu mäsäläne çişü belän mäşğül.Äytkänemçä totıqlar isän sau. Alarnıñ irekkä çığırıluı öçen här närsä eşlänäçäk. Ğıraqnıñ İslamçı Armiäse ,üzäk Ğıraqta AQŞ köçlärenä qarşı köräşkän sönni suğışçılar belän elemtädä tora dip uylanıla. Şul törkem İtalian jurnalistı Enzo Baldoninı ütergän ide. Alar Rimdäm Ğıraqtağı xärbiläregezne çığarığız dip taläp itkän ide. Fransiä tışqı eşlär ministırı Michel Barnier yaqın könçığış illärendä 2jurnalistnıñ irekkä çığarılu missiäse belän yöri häm yaulıq turındağı qanunnı da añlata. Bügen ul Qatarğa kilde. Barnierneñ tırışlıqlarına fälästinnärneñ islamçı törkeme Xamastan alıp , Yasir Arafatqa xätta AQŞqa qarşı suğışqan radikal şığı citäkçese Muqtada al Sadrnıñ da jurnalistlarnı irekkä çığarığız digän möräcäğätenä säbäp buldı. Bügen Ğäräb İlläre Ligası general sekretarı Amr Musa fransuzlarnı irekkä çığaru öçen yaña möräcäğät belän çıqtı. Vatikanda ber ruxani Papa Johan Paulnıñ belderüen uqıdı (audio Min här kemneñ köç qullanudan wazkiçüe öçen in köçle süzlär belän möräcäğät itäm.Fransuz jurnalistlarına keşelekle möğämälä kürsätelsen häm mömkin bulğan qısqa waqıtta kire qaytarılsınnar. Ğıraq suğışına şulayuq suğıştan elek Ğıraqqa sanksiälär quyuluına qarşılıq kürsätkän häm ğäräb dönyası belän yaxşı mönäsäbätläre säbäple ğorurlanğan Fransiädä ike jurnalistnıñ urlanuı şok täsire yasadı. Fransiädä bügen ber genä möselmannın da keşe urlauçılarnıñ yaulıq turındağı qanunnı köçtän çığarığız digän taläben raslauın küz aldına kiterep bulmıy. Eşneñ qızığı şunda elek qanunğa qarşılıq kürsätkän möselman oyışmaları äle bötenläy başqa tonda söyli. Qanun parlamentta qabul itelep qanun bulıp raslandı bezneñ il qanunı , bez aña xörmät itäçäkbez, fransuz qanunnarına çittän tıqşınıluın qabul itmibez dip äytte Fransiä İslam Oyışmaları Berläşmäse general sekretarı Fuad Alauı.Möselman Uleması Berläşmäse - ul sönnilärneñ Ğıraqtağı in täsirle oyışması- jurnalistlarnı irekkä çığarırğa çaqırdı.Törkem ägär dä fransuz jurnalistları üterelsä, bu Ğıraqnı okupatsiläwçelärgä xıyal ğına itä alğan säyäsi yaqlau bulaçaq dip belderde. Ğäräb Ligasınıñ Fransiädäge ilçese Nassif Hitti Ğıraqnıñ İslamçı Armiä ultimatumı 24 säğätkä , atnakiçkä qädär ozayttı dip belderde färidä xämit,praga
XS
SM
MD
LG