Accessibility links

якшәмбе, 11 декабрь 2016, Казан вакыты 16:52

Uzğan atna Rostov östendä şartlatılğan oçqıçta Mäskäw yegete Marat Sitdikov ta bulğan


31 awgust könne kiç belän Mäskäwnen Rijski metrosı yanında şartlaw yañğıradı. Ansın da, ike oçqıç şartlağan säbäptä, terror ğämäle dip xäbär itälär. Bu terrorda 11 keşe hälaq bulğan, 50dän artığı yaralanğan. Alar arasında 17 xatın qız, 4 bala bar. Qazağa eläkkännär arasında mäskäwlelär belän berlektä Rusiäneñ törle töbäklärennän kilüçelär dä bar dip xäbär itelä. Alar arasında bezneñ millättäşlärebez barmı-yuqmı, anısı älegä bilgesez. Çit il keşeläre tägäyen yuq. Alarnıñ kübese Sklifosovski isemendäge institutqa urnaştırılğan, 17 keşegä operatsiä yasalğan. 5 häm 8 yäşlek ike balanı tuğızınçı balalar xastaxänäsenä ozatqannar. Bu şartlawnı oyıştıruçı intixar xatın-qız 2 kg trotil köçendäge şartlatqıçnı buqçasına salğan bulğan. Häm ul üze dä wafat. Şuşı xällärgä üzeneñ fikeren belderüne sorap min professor Daniä Kärimovağa möräcägät ittem. Ul, bernindi terror belän dä säyäsi mäsälälärne çişep bulmıy. Bu xällär barlıq möselman dönyasına qarañğılıq töşerä, dide.

Daniä Kärimova uzğan atnada terror ğämälennän şartlağan oçqıçta hälaq bulğan Marat Sitdiqovnı da iskä alıp kitte. Qızğanıçqa qarşı, Soçiğa oçqan, Rostov Don östendä şartlağan oçqıçta bezneñ millättäşlärebez dä bulğan. Şularnıñ berse Mäskäwneñ tanılğan cämägät eşleklese, eşquar Renat Sitdiqovnıñ ulı Marat Sitdiqov. Maratnıñ tuğannarı oçqıç töşkän cirdä berniçä kön ezlänülär ütkärgännän soñ Maratnıqı bulırğa tieş digän äyberlär tabıp alğan. Häm alarnı tartma belän Mäskäwgä alıp qaytıp, Otradnıy mäçetendä cenaza namazı uqılğannan soñ möselman ziaratında cirlädelär. Maratnıñ Renat isemle dürt yäşlek ulı häm tormış iptäşe Yüliä qaldı. Yüliä Qazan qızı. Mäskäwdä opera cırçısı bulırğa Teatr akademiäsendä uqıp tamamlağannan soñ Maratqa tormışqa çıqqan ide. Alar Mäskäw tatar yäşlären oyıştıruda berençelärdän bulıp yörgän yäşlär ide. Marat ätise kebek finansist. İnkossatorlarlar oyışmasınıñ generäl direktorı ide. Soçiğa ul anda yal itkän ğailäsen alırğa barğan bulğan. Min Mäskäwdäge ğomümän Rusiädäge bu facigälärgä bäyä birüen sorap advakat Wäsimä xanım Xämidullinağa möräcäğät ittem. Läkin ul, min Maratnı yaxşı belän idem, ber genä süz dä äytä almıym, yılıym dide.

Mäskäwdä terror ğämäle bulmasa da tanılğan şäxes Renat Aqçurin ğäiläsendä dä qayğı. Anıñ ulı 26 yäşlek Andrey qoralnı saqsız qullanudan üzen üze atıp ütergän. Anıñ bu ğämälenä ele dä cawap taba almıylar. Bu waqıtsız hälaq bulğannarnı soñğı yulğa ozatuda qatnaşqan Tatarstannıñ wäkälätle wäkile Nazif Mirixänov bolay dide. “ İlebezgä afät kilgängä oxşıy. Şundıy xislär bar küñeldä. Yäşlärebezne saqlıyq. Yäşlär bezneñ kiläçägebez. Barlıq tatar cämäğätçelege isemennän Renat Setdiqov häm Renat Aqçkrin ğäiläläreneñ qayğıların urtaqlaşam.” Dide Tatarstannıñ wäkälätle wäkile Nazif Mirixänov.

Näzifä Kärimova, Mäskäw

XS
SM
MD
LG