Accessibility links

пәнҗешәмбе, 8 декабрь 2016, Казан вакыты 01:25

Tönyaq Osetiäneñ Beslan şähärendä 300 dän artıq keşe totıq itep alınğan


Bu xäl bulğan urınnan Azatlıq radiosı xäbärçese 400 totıq dip xäbär itä. RİA Novosti xäbärençä, Beslan rayon xastaxanäsenä elengän isemlektä mäktäpne qulğa töşergändä 7 keşeneñ hälaq buluı häm 4 keşeneñ yaralanuı xaqında äytelä. Mäktäp binasın çärşämbe irtän uqu yılı başlanu tantanası waqıtında yawlap aldılar. Qorallı törkemdä yaqınça 20 keşe bar. Qayberläre intihar bilbawı kigän. Totıqlarnı sportzalda totalar. Mäktäpkä minalar quyılğan. Mäktäpne qulğa töşergännär törkemneñ här üterelgän äğzası öçen 50 totıqnı üterü, yaralanğan äğza öçen 20 totıqnı üterü belän yanıy. Dönya cämägätçelege Tönyaq Osetiädäge bu xällärne kisken tänqitläp çıqtı.

XS
SM
MD
LG