Mäskäwneñ baş proquror urınbasarı Vladimir Yudin bolay dip äytte: "İntixar terrorçı xatın qıznıñ yasalma bombanı şartlatuına bezneñ şigebez yuq. Bu xaqta şartlaw bulğan urınnan cıyılğan matdälär häm barlıq hälaq buluçılarnıñ mäyetläre arasınnan berseneñ genä törle kisäklärgä tarqaluı da raslıy. Bez anıñ üzendä şartlatqıç alıp kilgän intixar terrorçı buluına şigebez yuq." Bu terror ğämäle öçen “İslambuli briğadası” törkeme cawaplılıqnı üz östenä aldı. Moña qädär törkem uzğan atnadağı oçqıçlar hälaqäten oyıştırunı beldergän ide.
