Accessibility links

җомга, 2 декабрь 2016, Казан вакыты 21:18

Schwarznegger Bush öçen tawış birergä çaqırdı


Quşma Ştatlar Respubliknnar partiäseneñ New Yorkta ütä torğan qorıltayında California ğubernatorı Arnold Schwarznegger 2 noyäber könne bulaçaq prezident saylawlarında amerikannarnı George Bush öçen tawış birergä çaqırdı. Schwarznegger süzlärençä, 2001 yılnıñ 11 sintäberendä bulğan terror ğämällärennän soñ Bush Amerika ayaqqa bassın öçen barsın da eşläde. “Xanımnar häm äfändelär, Amerika ğädättäge xälenä qayttı. Terror xöcümnäre häm iqtisadtağı waqıtlı awırlıqlardan soñ kire qayttı. Quşma Ştatlarnıñ 43nçe prezidentı George Bushnıñ döres idarä itüe üzsüzlege häm taläpçänlege arqasında bez yañadan iärdä”, dide Schwarznegger. Respubliknnar qorıltayı uñayınnan New Yorkta Buşnıñ Ğiraqtağı säyäsätenä qarşı uram yöreşläre däwam itä. Sişämbe könne 900 läp keşe totqarlandı. Politsiä belän citdi bäreleşlär turında xäbärlär yuq.

XS
SM
MD
LG