Accessibility links

якшәмбе, 4 декабрь 2016, Казан вакыты 17:14

Tatarstan xökümäte «İntel» şirkäte belän xezmättäşlek turındağı kileşügä qul quydı


Käräzle elemtä çeltären, İT üsterü tizlege cähätennän Tatarstan Rusiä ölkäre belän çağıştırğanda, berençe rättä bara. Bu xaqta konferensiädä iğlan itelde. 2 sentäber könne, şulay uq, «İntel» şirkäte häm Tatarstan xökümäte yağınnan xezmättäşlek itärgä cıyınu turında räsmi käğäzgä qul quyıldı. Şuşı räsmi kileşü nigezendä Tatarstannıñ informatizatsiä programmasın ütäw turında söyläşülär baraçaq. Bu xaqta Elemtä ministrı Rinat Cäläev xäbär itte. Anıñ äytüençä, «İntel» şirkäte belän xezmättäşlek turındağı kileşülärneñ niçek ütälüe xaqında yıl axırına qädär söyläşülär alıp barılaçaq häm soñınnan ul tormışqa aşırıla başlıy. 2005 yılğa Qazannıñ 1000 yıllığına bağışlap, ministrlıq zur eş başqarırğa teli. Süz böten rayon, awıl telefon stansiälärenä iñ zamança digital cihazlar quyu turında bara. Ä Qazan şähärendä telefon nomerları 7 sanlığa äylänäçäk. Bu üz çiratında çıbıqlı telefon qullanuçılar sanın artırırğa mömkinlek birä. Ministr beldergänçä, digital cihazlarnı quyu eşe 2005 yıl däwamında başqarıp betärgä tieş. Qazanda, şähärneñ 1000 yıllıq bäyräme bağışlap, bu eş berençe çiratta eşlänäçäk.

Bikä Timerova.

XS
SM
MD
LG