Monı ul Mäskäw mäxkamäseneñ prokuraturağa Yukos bank xisaplarındağı 2 milliard 600 million dollarnı qulğa alu röxsäte birüe belän añlata.
Yukos salım tüläw mäs'äläsenä bäyle mäxkamä eşendäge bu qarar neft' çığaru mömkinleklären kisä di. Yukos şulay uq bu qarar xisap tüläwlären başqarırğa, eşçelärgä xezmät xaqları tülärgä mömkinlek birmi häm töbäklärdäge eşçänlekne tuqtatırğa mäcbür itä di.
Yukosqa 2000-nçe yılğı 3 milliard 400 million dollar salım burıçların tüläw öçen birelgän waqıt bu atnada çıqtı.
Dönyada çığarılğan neft'neñ 2 protsentı Yukosqa turı kilä. Anıñ kiläçägeneñ bilgesez buluı dönya bazarnda neft' bäyälären arttıruğa öleş kertte.
