Accessibility links

сишәмбе, 6 декабрь 2016, Казан вакыты 15:14

Äl-Cäzirä Ğiraqtağı 3 törek totıqnıñ üterelüen sürätläwçe videyazmanıñ qayber öleşlären kürsätte


Äl-Cäzirä äytüençä üterü turındağı belderü Täwhid häm Cihad törkemennän kilgän. Bu törkemne äl-Qaidä terror çeltäre belän bäyle suğışçı citäkli dip sanala. Elegräk Ğiraq politsiäse Sämärra şähäre yanında 3 ir-at mäyete tabıldı dip beldergän ide. Politsiä alarnıñ ikese törek ämma isemnäre äle mäğlüm tügel dide. Bu 3 keşeneñ qayçan üterelgän buluı mäğlüm tügel. Fransiä möselmannarı törkeme Ğiraqta totıq itep alınğan 2 fransuz jurnalistınıñ isen buluına dälillär aldıq dip belderde. Ğiraqtağı suğışçan törkemnär annan koalitsiä köçläre häm çit il şirkätläre çığıp kitsen öçen çit il keşelären totıq itep ala. Anda inde barlığı 25-läp totıq üterelde. Ğiraq tabibı Säyfetdin Taha çärşämbe kiçendä Fällücä şähärendä AQŞ hawa höcüme näticäsendä 17 keşe hälak buldı dip belderde. Taha äytüençä, 6 keşe yaralanğan. AQŞ xärbiläre qorbannar turında berni dä äytmiçä, äl-Qaidä terror çeltäre belän bäyle buluda şiklänelgän Äbü Musab äz-Zärqäwi berektäşläreneñ yortları bombalandı dide.

XS
SM
MD
LG