Şundıy xäbärlärneñ berse bu könnärdä Mäskäwdä ingliz telendä çığa torğan "Moscow Times" basmasında dönya kürde, xörmätle tıñlawçılar. Mäqälädä, ğädäti ber yäş urıs bankirıday kiengän, neçkä genä saqal yörtkän, qısqa çäçle Taras Çernienko sürätlänä. Läkin ul xäzer inde Taras tügel, ä Ğäbdelkärim isemen yörtä ikän. Anıñ äle yäşüsmer çağınnan birle alıp barğan ruxi ezlänüläre islamnı qabul itüe belän tögällängän. Xäzer ul urıs möselmannarınıñ küptän tügel qorılğan ilküläm oyışmasında räis urınbasarı bulıp tora häm başqa mö''min-möselman qardäşläre yardämendä İslamdağı qimmätlärne Rusiä xalqı belän urtaqlaşıp, alarğa ildäge awırlıqlardan barı tik islam dine aşa ğına qotılıp bulunı citkerergä teli. Bu uñaydan ul bigräktä, islamnıñ isertkeç eçemleklärne xäräm dip iğlan itüen maqtap telgä ala. Ğäbdelkärim Çernienko fikerençä, qayberäwlär araqı eçüne urıs yäşäw räweşeneñ ayırılğısız ber öleşe itep kürsä dä, ul üze urıs keşese häm berük waqıtta möselman bularaq, monıñ alay tügellegen isbatlıy. "Rusiädäge sotsial awırlıqlarnıñ küpçelege nigezendä isertkeç eçemleklär belän mawığu yata, bez ildä islam qimmätlären cäyelderä alsaq, cämğiat tä, bar il dä köçleräk bulır ide" di Ğäbdelkärim (Taras) Çernienko. Ul urıs millätendäge möselmannar sanın bar il buylap yaqınça 2 meñ tiräse dip bilgeli. Läkin Urıs pravoslav çirkäweneñ Mäskäw patriarxatı wäkile Vladimir Divaxov, urıs möselmannarınıñ sanı alay da küp tügel, urıslarnıñ islam dinenä küçüe siräk küreneş, andıylarnıñ da zur öleşen möselmanğa kiyäwgä çıqqan xatınnar täşkil itä" dip belderä. Monıñ çınnan da, berençe çiratta şul törkemgä qarawın küptän tügel genä Mäskäwdä xäbärçebez Näzifä Kärimova belän cämiğ mäçete yanında söyläşkän ike xatın misalı da kürsätä.
Audio, Näzifä Kärimova
Pravoslav çirkäwe ähele, urıslarnıñ islamğa küçüe siräk küreneş disä dä, Üzäk Rusiä möselmannarınıñ Diniä nazäräte räise möfti Rawil Ğäynetdin süzlärenä qarağanda, andıy oçraqlar xäzer yış bula ikän.
Audio, Rawil Ğäynetdin
Möfti xäzrätläre şulay uq, äle küptän tügel genä Mäskäwdäge kürenekle ber Şäreq belgeçeneñ ixtiari räweştä islam dinen qabul itüe xaqında belderde.
Audio, Rawil Ğäynetdin
Möfti Rawil Ğäynetdinneñ yardämçese Färit Äsadullin "Moscow Times" basmasına, başqa dindäge keşelärneñ islamğa küçüe turında, "bu härkemneñ üz eşe, bez isä islam täğlimäten döres itep añlawğa yardäm genä itäbez" dip belderde. Ğäbdelkärim Çernienko isä yaqın kiläçäktä urıs millätennän bulğan möselmannar sanınıñ artuına ömetlänä häm üz oyışmasınıñ eşçänlegen Rusiädä genä tügel, ä elekke sovet cirlärendäge yaña däwlätlärdä dä alıp baraçağına ışana.
Kärim Kamal
Audio, Näzifä Kärimova
Pravoslav çirkäwe ähele, urıslarnıñ islamğa küçüe siräk küreneş disä dä, Üzäk Rusiä möselmannarınıñ Diniä nazäräte räise möfti Rawil Ğäynetdin süzlärenä qarağanda, andıy oçraqlar xäzer yış bula ikän.
Audio, Rawil Ğäynetdin
Möfti xäzrätläre şulay uq, äle küptän tügel genä Mäskäwdäge kürenekle ber Şäreq belgeçeneñ ixtiari räweştä islam dinen qabul itüe xaqında belderde.
Audio, Rawil Ğäynetdin
Möfti Rawil Ğäynetdinneñ yardämçese Färit Äsadullin "Moscow Times" basmasına, başqa dindäge keşelärneñ islamğa küçüe turında, "bu härkemneñ üz eşe, bez isä islam täğlimäten döres itep añlawğa yardäm genä itäbez" dip belderde. Ğäbdelkärim Çernienko isä yaqın kiläçäktä urıs millätennän bulğan möselmannar sanınıñ artuına ömetlänä häm üz oyışmasınıñ eşçänlegen Rusiädä genä tügel, ä elekke sovet cirlärendäge yaña däwlätlärdä dä alıp baraçağına ışana.
Kärim Kamal