Accessibility links

дүшәмбе, 5 декабрь 2016, Казан вакыты 23:43

Ğosman xäzrät İsxaqi: Balalar xaqına doğa qılıyq


Tönyaq Osetiädäge Beslan şähärendäge faciğäle waqiğalarğa mönäsäbätlären Tatarstanda törle keşelär belderä. 3 sentäber könne respublikanıñ Diniä näzaräte räise, möfti Ğosman xäzrät İsxaqinıñ älege waqiğalar uñayınnan möräcäğäte iğlan itelde. Anda Ğosman xäzrät bolay dip äytä. Osetiä respublikasınıñ Beslan şähärendäge mäktäptä balalarnı totıq itep alu waqiğası bezne tetränderde. Bar keşe öçen dä nindi genä bulmasın säyäsi maqsatlarda şuşındıy wäxşi ısullarnı qullanu bulmasqa tieşlege añlaşıla. İslamnıñ älege waqiğalarğa bäyle bulmağanlığı da açıq – İslam tınıçlıq häm yaxşılıq dine. Xäzerge waqıtta bezneñ bar uylarıbız – ülem belän yäşäyeş aldında torğan totıqlar, bigräk tä balalar xaqında. Bar möselmannar öçen dä izge bulğan comğa könne şuşı awır sınawlarğa duçar bulğan balalar xaqında doğa qılıyq. Min respublikanıñ barlıq imam-xatıypların comğa namazları waqıtında totıqlarnıñ tormışın häm sälämätleklären saqlap qalu turında Allahı täğälädän sorarğa çaqıram, dielä respublikanıñ Diniä näzaräte räise, möfti Ğosman xäzrät İsxaqinıñ möräcäğätendä.

Gölnaz İlgizär

XS
SM
MD
LG