Accessibility links

пәнҗешәмбе, 8 декабрь 2016, Казан вакыты 21:21

Bush iminräk dönya,Yaqın Könçığış illären irekle itergä wäğdä itte


Respublikannar partiäseneñ Nyu York şährendäge 4 könlek qorıltayı G.W.Bushnı ikençe möddät prezidentlıqqa namzät itep kürsätüe belän tämamlandı. Bush entusiastik yaqlauçıları aldında yasağan çığışında xökümätneñ terrorğa qarşı alıp barğan strategiäse uñışlı häm yañadan saylansa höcümçe taktikanı däwam itteräçägen belderde.Ul şulayuq Äfganstan häm Ğıraqnı yaqlarğa däwam itäçäkbez dip äytep anda totrıqlılıq urnaşır digän ömed belderde.

Yaqın Könçığıştağı reformalarnı AQŞnıñ iminlegenä bäylägän prezident G.Bush xalıqnı ireklek taratırğa häm terror öçen şartlarnı yuq itergä çaqırdı. İlbaşı yaqın könçığış cämğiätlären açu öçen basım yasau AQŞnıñ yöklämäse bulıp tora dide(audio)

Min Amerika yaña ğasırda ireklek mäsäläse belän citäklärgä çaqırılğan dip ışanam. Min yaqın könçığışta millionnarça keşe ireklek öçen yalwardı dip ışanam.Min şans birelgän oçraqta alar keşe buldırğan in möqämmäl xökümät formasın buldıraçaqlar dip ışanam. Min bolarğa ışanam, çönki ireklek Amerikanıñ tügel ä qodrätle Allanın bu dönyada här xatın-qız häm ir-atqa birgän büläge

Bush çığışınıñ yartısın tışqı säyäsätkä ayırıp,terrorğa qarşı suğış häm yaqın könçığışta demokratiä inisiativasın üzäk urınğa quydı.Fiker beleşülärdä Bush demokrat köndäşe Kerry belän başbaşqa bara . Yaqınça meñ amerikan soldatınıñ häläk bulğan Ğıraq mäsäläsendä ul tänqitlänä.Nyu York şährendä här kön prezidentqa qarşı demonstratsiälär oyıştırıla.Yäkşämbedä 125meñ keşe qatnaşqan suğışqa qarşı zur cıyın bulıp ütte. Bush Ğıraqqa basıp kerüne yaqlap çıqtı , Saddam Xösäinneñ küpläp üterü qoralları mäsäläsendä xezmättäşlek itüne kire qağuı anıñ suğış qararın aluına säbäb bulğan. Ğıraqta ğıynuarda paralemnt saylauları ä Äfganstanda üktäber ayında prezident saylauları ütä. İminlek här ike ildä dä totrıqlı tügel . G.Bush här ike ildä dä demokratik reformalar urnaşqançı xärbilärne çığarmıyaçağın belderde. (audio)

Bezneñ Äfganstan wä Ğıraqtağı missiäbez bilgele:bez yaña citäkçelärgä alarnıñ armiälären künegülärdän ütkärü totrıqlılıq häm demokratik suqmaqqa mömkin bulğan qädär tizlektä kerep kitüläre öçen yardäm itäçäkbez. Şunnan soñ ğäskärlärebez xaq itkän dan belän öylärenä qaytaçaq.

İlbaşı äytüençä AQŞqa Äfgan suğışında 40il ä Ğıraq suğışnada 30ildän torğan koalitsiä yardäm itkän.Ul Britan premyere T.Blair, İtalianıñ xökümät başlığı Silvio Berlusconi, Awstralia premyere John Howard häm Polşa prezidentı A.Kwasniewskinı ayruça telgä aldı. Qorıltayda Ğıraq, Äfgan suğışları komandirı xäzer pensiädäge general Tommy Franks ta çığış yasadı. (audio)

Äfganstan häm Ğıraqta terror häm zolımnıñ urının ireklek, ömed häm mömkinçelek aldı.Minem ilem AQŞları 50million keşegä andıy şans birgän öçen min ğorurlanam.

Prezident Bush üzeneñ yaqın könçığış demokratiä inisiativasınıñ detallärenä, qaysı illärne küzdä totuın söylämäsä dä,ul AQŞ säyäsäteneñ ğämälgä quyılğan illärne telgä aldı. İrekle Äfganstan terrorğa qarşı köräşä, Pakistan terroristlarnı qulğa ala , Liviä qoral programmasın yuqqa çığara dip söyläde.4kön däwam itkän qorıltay azağında G.Bush (audio)

Min Amerika prezidentınıñ in möhim eşe Amärika xalqın saqlau dip ışanam. Amerika bu unyıllıqta ikelänü yäki zäğiflek kürsätsä, dönya tragediägä taba şuışaçaq. Bu minem möddätemdä bulmayaçaq

Demokratlarnıñ namzäte Vietman suğışı veteranı J.Kerry qorıltayda üzenä yünälderelgän tänqitlärgä kiçä kisken cawap qaytardı.2nçe noyäber saylaularınnan elek Bush belän Kerry cämäğätçelek aldında berberse belän 3märtäbä oçraşaçaq.

färidä xämit,praga
XS
SM
MD
LG