Makedoniä parlamentı ildäge albannarnıñ cirle xakimiäten nığıtuçı yaña qanunnı 7-nçe noyäberdä referendumğa çığaru turında qarar qabul itte.
Qanunğa qarşı çığuçılar parlamentta awgust ayında raslanğan bu qanun ilne milli öleşlärgä bülä dip tänqitli.
Bu qanun ilneñ albannar küpçelekne täşkil itkän 16 cirle idaräsen albannar qaramağına tapşıra.
Qanun Alban ğisyançıları belän Makedoniä xakimiätläre arasında 5 ay buyı barğan qorallı nizağqa çik quyuçı 2001-nçe yılğı tınıçlıq kileşüe nigezendä tudı.
Yewropa Berlege Makedoniäneñ Berlekkä quşıluı öçen 2001-nçe yılğı kileşüneñ tulısınça ütälüe zarur dide.
