Accessibility links

Кайнар хәбәр

Comğağa qarşı töndä Ğiraqnıñ tönyağında ğisyançılar neft' ütkärgeçen şartlattı


Cirle politsiä häm Tönyaq Neft' şirkäte räsmiläre äytüençä, şartlawdan soñ başlanğan yanğınnın sünderü öçen tağın 2 kön kiräk bulırğa mömkin. Bu ütkärgeç Kirkük neft' yatmalarınnan Baici neft' eşkärtü qorılmalarına, annan tönyaq-könbatışqa, Törkiäneñ Urta Diñgez yarlarına taba suzıla. Räsmilär äytüençä, yanğın säbäple 30-dan artıq ğailä yortlarınnan qaçıp kitärgä mäcbür bulğan. Kirkük belän Baicinı totaştıruçı yul bügen dä kiselgän kileş qala. Ğiraq May ayınnan birle däwam itkän özeklektän soñ bu ütkärgeç aşa neft' qudırunı uzğan atnada ğına yañartqan ide. Neft' ütkärgeçlärgä höcümnär säbäple Ğiraqnıñ neft' sänäğäte 1 milliard dollardan artıq keremen yuğalttı.
XS
SM
MD
LG