Accessibility links

шимбә, 10 декабрь 2016, Казан вакыты 15:57

Tönyaq Osetiäneñ Beslan şähäre mäktäbendä totıqlar krizisı qan qoyu belän tämamlandı


1-nçe sintäberdä berniçä yöz keşene, şul isäptän küp sanda balalarnı totıq itep alıp mäktäptä biklängän suğışçılarğa bügen Rusiä xärbi köçläre höcüm itte. Atışlar häm şartlawlar näticäsendä yözläp keşeneñ hälak buluı, 400-läp keşeneñ yaralanuı turında xäbär itelä. Höcümneñ niçek başlanuı turında bügen qarşılıqlı xäbärlär kilep tordı. Federal' İminlek Xezmäteneñ Tönyaq Osetiä bülege başlığı Valeriy Andreyev atışlarnı xökümät ğäskärläre başlamadı dide. Dönya televidenieläre mätkäptä barğan atışlardan qaçıp yögerep çığuçı yarımşärä balalarnı kürsätte. Rusiä xakimiätläre atışlar näticäsendä mäktäpne xäzer tulısınça kontrol'gä aluları turında belderä. Totıq aluçılarnıñ 13-e atışlar waqıtında qaçıp kitä alğan dielä. Xäzerge waqıtta Yewropa Berlegen citäkläwçe Niderland tışqı eşlär ministrı Bernard Bot Beslan şähärendäge xällärgä tirän qızğanıç belderde. Niderlandta Yewropa Berlege tışqı eşlär ministrlar oçraşuında Bot Rusiädä totıqlar krizisınıñ tınıç yul belän çişelmäwe qızğanıç dide. Şul uq waqıtta Bot Rusiä xökümäteneñ qıyın dilemma aldında qalğanlığın añlawı turında äytte. Bot Yewropa Berlege terrorçılıqnıñ barlıq törlären tulısınça häm berşartsız ğäyepli dide.

XS
SM
MD
LG