Mäskäwdäge şartlaw, terror ğämälläre, Osetiädä mäktäpne terrorçılarnıñ kamap totuları tatar mäktäbe dip yörtelgän 1186 sanlı mäktäben dä bitaraf qaldırmağan. Äle 31 awgust könne ük militsiä xezmätkärläre mäktäpneñ işeğäldın binalarnı şartlatqıç ezleüçe etler belän ilep tikşerep kitkännär. Häm berençe sentäbrc könne dä 3 militsiä xezmätkäre mäktäptä qalğan. Niçek kenä bulmasın uqu yılı başı uquçılar öçen dä, uqıtuçılar öçen dä zur bäyräm. Bez bu xaqqa 1186 sanlı mäktäp direktorı Lemma xanım Girfanowa belän söyläştek. Min annan uqu yılı niçek başlanıp kitte dip soradım. Häm 15 yaña uquçı qabul itüläre. Mäktäptä xäzer 180 uquçı, 50 dän artıq uqıtuçı barlığın söyläde. İnde berniçä yıl elek elekke balalar baqçası binasına urnaşqan şuşı mäktäp yanına yaña mäktäp tözeläçäge turındağı proyıqtqa Mäskäw merı Yüriy Lucqov qul quyğan ide. Yaña mäktäpneñ proyıqtı da xäzer. Läkin byuroqrat basqıçlar yaña mäktäp tözeleşen haman kiçekterep kilä. Başta mäktäp işeğäldında bik zatlı ağaçlar üsä, anı kisärgä yaramıy digännär. Axırda ul ağaçlarnıñ ğädi öräñge buluları da açıqlanğan. Annan soñ tağı baytaq qına säbäp tapqannar. Xäzer inde şuşı binanı öleşçä üzgärtergä kiräk bulaçaq digän qarar çıqqan. Mäktäp direktorı ul öleşçä üzgäreşne haman añlap betergänem yuq, inde yaña bina tözeleşe 2006 yılda başlanaçaq dip belderdelär dide. Şulay itep, bu mäktäptä uqırğa teläwçelär küp bulsa, sanitar normalar qısasında uqçılardan baş tartırğa mäcbürlär. Bıyıl mäktäp balaları barlığı 40 uquçı häm 7 uqıtuçı Anapada yal itkän. Yul çığımnarın da yal yortına yullamalar öçen dä aqçanı millätäşebez Äxmät Kamaletdinov tülägän. Ul çın tatar keşese, bez barıbız da añar räxmätle. Şundıy yalğa ul bezne ikençe yıl rättät cibärä inde dide mäktäp direktorı. Däresleklärne dä üz aqçalarıbızğa alabız di, Lemma Girfanowa. Tatarstannı da buşqa däresleklär sorap borçıysıbız kilmi. Çönki yärdämçelärebez dä bar, matdi yaq ta nığıp kilä dide ul. Bıyıl 1186 nçı mäktäpne tämamlağan 10 uquçı unısı da yuğarı uqu yortlarına uqırğa kerä alğan. Mäktäp şundıy uñışlar häm tözeleş mäşäqätläre belän yäşi.
