Accessibility links

Кайнар хәбәр

Xalıqara kitap yärminkäsendä yaña kitap täqdim itelde


Mäskäwdä 1 sentäberdä 17nçe xalıqara kitap yärminkäse açıldı. Ul 6 nçı sentäbrgä qädär eşliäçäk. Bu böten döncyä kitap näşriätläre kürgäzmäsendä Tatarstan häm Başqortostan kitap näşiryätläre dä qatnaşa. Yärminkä Bötenrusiä kürgäzmälär üzägendä uza. Şuşı xalıqara kitap yärminkäse qısasında 3 nçe sentäbrdä Fännär doktorı İlyas Wälievneñ Mäskäwneñ “Geroi oteçestwo” näşriätendä dönya kürgän, “Mostay Kärim suğışçı, şağir, grajdanin” dip atalğan rus telendä çıqqan kitabın täğdim itü buldı. Bu oçraşuda kitapnıñ autorı İlyas Wäliev, Tatarstan häm Başqortostannıñ wäkälätle wäkillegennän xezmätkärlär häm kitap yärminkäsenä kilüçelär dä qatnaştı. Alar arasında Tatarstannıñ yazuçılar berlege räise Fuat Ğalimullin häm Tatarstannıñ xalıq şağire Renat Xaris tä bar ide. Alarnı bu kitapnı täğdim itü oçraşuına Tatarstan prezidentı yullağan ikän. Tatarstan qunaqları kitap xaqında üzlärene fikerlären belderdelär. Häm bu kitap Tatarstanda da bulırğa tieş didelär. Oçraşuda şulay uq Rusiä yazuçılar berlegennän dä, Başqortostannıñ kitap näşriätennän dä Sibay pedogogiä universitetınnan da çığış yasawçılar buldı. Min bu oçraşudan soñ kitapnıñ autorı İlyas Wälievqa da berniçä soraw belän möräcäğät ittem. İlyas Wäliev pedogogıä fännäre doktorı, uqıtuçı keşe, Mostay Kärim xaqında berniçä kitap autorı inde. Yazuçı xaqında kitap autorı bularaq, sez bu şäxes xaqında nindi yañalıq äytergä omtıldığız, dip soradım min annan. Ul bu sorawğa, min anı pedogog, uqıtuçı bularaq ta kürsätergä omtıldım üzemneñ kitaplarımda, dide. Ä inde bu kitap anıñ tormış yulı turında da. Suğışta qatnaşqan waqıtların da häm ictimağıy eşçänlegen dä kürsätäçäk. Bu kitap anıñ 20 üktäberdä ütäçäk 85 yıllıq yubileyenä zur büläk bulaçaq dide kitap autorı İlyas Waliev.

Näzifä Kärimova, Mäskäw
XS
SM
MD
LG