Accessibility links

пәнҗешәмбе, 8 декабрь 2016, Казан вакыты 01:22

Rusiä citäkçese V.Putin Tönyaq Osetiäneñ Beslan şähärenä kilep kitte


İnde xabär itelgänçe ,Rusiä prezidentı V.Putin bügen berniçä säğätkä genä Tönyaq Osetiäneñ Beslan Şähärenä kilep kitte.Çärşämbedän comğağa qädär däwam itkän totıqlar draması anda 300dän artıq keşeneñ ülüe belän tämamlandı,şularnıñ yartısı balalar dip xabär itelä. Rusiä baş prokurorınıñ urınbasarı Sergei Fridinski höcüm yasalğan mäktäp binasında älegä 322 mäyet tabıldı dip belderde.Ul şulayuq 26höcümçeneñyuq itelüe,3neñ qulğa alınuın xabär itte.Tönyaq Osetiä wäkile süzlärenä qarağanda,Beslan mäktäbendä 1000-nän artıq keşe totıq itep alınğan bulğan

Putinnıñ Beslanğa kilüe kötelmägän ide. böten Russiä şähärneñ qayğısın urtaqlaşa dip äytkän ilbaşı ike kön buyı mäktäptä aşsız susuz terrorçılarnıñ totığı bulğan meñ çaması keşene irekländerü öçen beräü dä köç qullanunı planlaştırmadı ,älbättä bez barlıq mömkinçeleklärne tikşerdek ämma köç qullanu plannaştırılmadı.Waqıyğälär bik tizlektä häm kötelmägänçä täräqi itte dip söyläde(audio) Xakimiätlär qaçıp çıqqan balalarğa terrorçılar ut açqaç bez mäktäpkä höcüm oyıştırırğa mäcbür qaldıq dip äytte. Höcüm qısqa waqıt eçendä qotoçqıç säxnäle horror filminä äylände. Yarım şärä qanğa batqan balalarnıñ yögergän soldatlar qulına yığılıp töşüe şartlaular, aftomatik qoral tawışları... Böten bolarnı urında bulğan küp kenä könbatış televidiniäläre programmaların tuqtatıp turıdan turı tapşırdı. Russiä televidiniäse nigäder bu turıda endäşmi tordı, xäbärlär çığarılışın kötte. Qotoçqıç qanlı räweştä tämamlanğan totıq alu fäcäğäsendä in kimendä 250keşe şularnıñ baytağı balalar häläk buldı, 700läp keşe yaralandı. Beslanğa yasağan 2 säğätlek vizitı waqıtnda Putin yaralılar yatqan xastaxanägä kerep çıqtı. Putin süzlärençä(audio) terroristlarnıñ ber mäqastı eçke etnik näfrät uyatu häm tönyaq Kafkaznı şartlatu ide. Bu tör provakatsiälärgä birelüçelärgä bez terrorçılar belän xezmättäşlek itüçelär dip qarıyaçaqbız. Qorbannarnıñ zur öleşe mäktäp tübäse cimerelep töşkäç häläk bulğan.Tübä qatı şartlaudan soñ cimerelde.Şartlauğa närsä säbäp buluı turında törle farazlar var. Yaralılarnıñ baytağı awır xäldä. Tönyaq Osetie aşığıç yardäm üzäge citäkçese Vitali Slepuşkin yaralılarnıñ ber öleşe minalar, uq häm yanu yaraları. İn awır yaralanuçılar bezgä azaqta mäktäpkä höcüm yasalğaç kiterelde dip söylägän(audio) Beslanda bügen irtän mäktäp xarabäläre arasınnan mäyetlär çığarılğanda , xalıqta tirän qayğı belän bergä açu da küzätelde. Qayber totıqlarnıñ yaqınnarı küp sanda keşeneñ häläk buluı öçen cawaplılıqnı Rusiä xakimiätlärenä quydı.İkençelräe ömetsezlek eçendä yaqınnarın ezli ide. Üzen Aza dip tanıtqan ber xatın qız awıldan kilep (audio) ulımnı , anıñ xatınıñ häm onığımnı ezlim , alar närsä eşlädelär bezgä dip yılı ide. Dönya Beslan, Rusiä xalqınıñ qayğısın urtaqlaşa, simpatiälären belderä. Ämma Rusiä mäxsus köçläreneñ qullanğan taktika turında küp kenä soraular da quya. Yevropa Berlege mondıy tragediä niçek bula aldı , dip Rusiädän açıqlau sorıy

färidä xämit
XS
SM
MD
LG