Accessibility links

якшәмбе, 11 декабрь 2016, Казан вакыты 16:56

Ğiraqnıñ törle öleşlärendä köç qullanu däwam itä


Ğiraq politsiäse äytüençä, bügen tönyaqtağı Talafer şähärendä AQŞ xärbiläre belän ğisyançılar arasındağı atışlarda 3 keşe ülgän, 9 keşe yaralanğan. Bügen Bağdadtan 40 çaqrımlap tönyaqta urnaşqan Dicel şähäre yanındağı AQŞ xärbi hawa bazası qarşında maşinağa quyılğan bomba şartladı. Ber Amerikan soldatı häm kimendä 2 tınıç ğiraqlı yaralandı. Baquba şähärendä maşinaları yanına quyılğan bomba şartlaw näticäsendä 4 tınıç ğiraqlı yaralandı. Bügen Ğiraq politsiäse Ğiraqta uzğan ayda totıq itep alınğan misırlınıñ mäyete tabıluı turında belderde. Şimbä könne Kirkük şähärendä politsiä mäktäbe qarşında maşinağa utırğan intixarçınıñ bomba şartlatuı näticäsendä kimendä 17 keşe hälak buldı, 20-läp keşe yaralandı. Şimbä könne Mosuldan könbatıştaraq ğisyançılar belän AQŞ köçläre arasındağı atışlarda 13 ğiraqlı üterelde, 53-e yaralandı.

XS
SM
MD
LG